fbpx

رئیل می نے نیا مڈرینج اسمارٹ فون ایکس 7 پرو الٹرا پیش کر دیا

اسمارٹ فون کمپنی رئیل می نے اپنا نیا مڈرینج اسمارٹ فون ایکس 7 پرو الٹرا متعارف کرا دیا ہے ۔

باغی ٹی وی : اس سے قبل کمپنی نے گزشتہ سال ستمبر میں رئیل می نے ایکس 7 پرو متعارف کرایا تھا اور اب اس کا الٹرا ورژن پیش کیا گیا ہے اس نئے فون میں 6.55 انچ کا سپرامولیڈ ڈسپلے 90 ہرٹز ریفریش ریٹ اور خم ایجز کے ساتھ دیا گیا ہے۔

فون کے فرنٹ پر پنچ ہول ڈیزائن میں 32 میگا پکسل کیمرا چھپا ہوا ہے فون کے بیک پر 3 کیمروں کا سیٹ اپ موجود ہے جس کا مین کیمرا 64 میگا پکسل کا ہے جس کے ساتھ 8 میگا پکسل الٹرا وائیڈ اور 2 میگا پکسل میکرو کیمرے موجود ہیں۔

فون کے اندر 8 سے 12 جی بی ریم اور 128 سے 256 جی بی اسٹوریج کے آپشنز دیئے گئے ہیں فون میں اینڈرائیڈ 11 آپریٹنگ سسٹم کا امتزاج کمپنی نے اپنے رئیل می یو آئی 2.0 سے کیا ہے۔

ایکس 7 پرو الٹرا میں 4500 ایم اے ایچ بیٹری 65 واٹ فاسٹ چارجنگ سپورٹ کے ساتھ دی گئی ہے پراسیسر ڈیمینسٹی 1000 پلس ہے جبکہ فنگرپرنٹ سنسر ڈسپلے کے اندر نصب ہے۔

فون کے دیگر فیچرز میں اسٹیریو اسپیکرز، ڈولبی ایٹموس، وی سی لیکوئیڈ کولنگ، این ایف سی اور 5 جی سپورٹ قابل ذکر ہیں۔

یہ فون چین میں فروخت کے لیے پیش کیا گیا ہے جس کا 8 جی بی ریم اور 128 جی بی اسٹوریج والا ورژن 2399 یوآن (56 ہزار پاکستانی روپے سے زائد) جبکہ 12 جی بی ریم اور 256 جی بی اسٹوریج والا ماڈل 2699 یوآن (63 ہزار پاکستانی روپے سے زائد) میں دستیاب ہوگا۔

جواب چھوڑیں

آپ کا ای میل ایڈریس شائع نہیں کیا جائے گا.