منڈی بہاؤالدین ،باغی ٹی وی( نامہ نگار افنان طالب)پاہڑیانوالی میں فروخت ہوتے دو نمبر آڑو پکڑے گئے
ڈپٹی کمشنر منڈی بہاوالدین شاہد عمران مارتھ اور چیف آفیسر ملک طارق ضیا کی خصوصی ہدایات پر عمل کرتے ہوئے گزشتہ روز ملک ماجد حسین تھہیم ریگولیشن آفیسرضلع کونسل نے اپنے عملہ کے ہمراہ اڈا پاہڑیانوالی کا اچانک دورہ کیا
مین بازار میں فروٹ کی شاپس اور خصوصا ریڑھی پر فروٹ فروخت کرنے والے ریڑھی بانوں کو چیک کیا تو مین بازار میں بیشتر ریڑی بان دو نمبر آڑو فروخت کرتے پائے گئےجہنوں نےآڑو پر سرخ رنگ لگایا ہوا تھا اور وہ مضر صحت فروٹ فروخت کرتے پائے گِے جس پر سخت ایکشن لیتے ہوئے ملک ماجد حسین ریگولیشن آفیسر ضلع کونسل نے رنگ لگے آڑو کو ضبط کر کے انکوضائع کرادیا
اور کہا کہ ہم رنگ لگے آڑو فروخت کرنے والے دکانداروں کو پیسے کے لالچ میں لوگوں کی صحت سے کھیلنے نہیں دیں گے، انہوں نے تمام ریڑی بانوں کو وارننگ دی کہ اگر کسی دکاندار یا ریڑی بان نے دوبارہ ایسی حرکت کی تو اسکے خلاف سخت قانونی کارروائی عمل میں لائی جاِئے گی اور بھاری جرمانہ کیا جائے گا
