90 روز میں الیکشن: تحریک انصاف نے رجسٹرار آفس کے اعتراضات کیخلاف اپیل دائر کردی

اسلام آباد: پاکستان تحریک انصاف (پی ٹی آئی) نے الیکشن 90 روز میں کرانے کی درخواست پر رجسٹرار آفس کے اعتراضات کو چیلنج کردیا۔

باغی ٹی وی:دو روز قبل تحریک انصاف نے 90 دن میں انتخابات کیلئے سپریم کورٹ میں آرٹیکل 184(3) درخواست دائر کی تھی سپریم کو رٹ نے پی ٹی آئی کی 90 روز میں انتخابات کرانے کی آئینی درخواست اعتراض لگا کر واپس کردی تھی پی ٹی آئی نے سپریم کورٹ میں آرٹیکل 184/3 درخواست دائر کی تھی رجسٹرار آفس نے پی ٹی آٸی کو تحریری طور پر آگاہ کردیا تھا، در خواست گزار نے کسی متعلقہ فورم سے رجوع نہیں کیا، درخواست میں یہ بھی نہیں بتایا گیا کہ کونسا بنیادی حق متاثر ہوا ہے۔

سائفرگمشد گی کیس:چیئرمین پی ٹی آئی کی درخواست ضمانت سماعت کیلئے مقرر

جس کے بعد تحریک انصاف نے رجسٹرار آفس کے اعتراضات کیخلاف اپیل دائر کردی اپیل میں کہا گیا ہے کہ رجسٹرار نے درخواست ناقا بل سماعت ہونے کے اعتراضات لگا کر واپس کردی،رجسٹرار آفس کے اعتراضات جوڈیشل نوعیت کے ہیں درخواست میں مؤقف اپنایا گیا کہ رجسٹرار آفس جوڈیشل نوعیت کے اعتراضات نہیں لگا سکتا،رجسٹرار آفس کے اعتراضات کو ختم کر کے درخواست سماعت کیلئے مقرر کی جائے-

کوئٹہ میں ایرانی پٹرول کی مانگ میں اضافہ