بلوچستان کے ضلع پنجگور کے علاقے چتکان میں نامعلوم مسلح افراد کی فائرنگ سے نیشنل پارٹی کے مرکزی رہنما اور رکنِ بلوچستان اسمبلی میر رحمت صالح بلوچ کے بھائی ولید صالح بلوچ جاں بحق ہو گئے۔
پولیس کے مطابق واقعہ اتوار کی شام ولید صالح بلوچ کے رہائشی علاقے میں پیش آیا، جب نامعلوم حملہ آوروں نے ان پر اُس وقت فائرنگ کی جب وہ اپنے گھر کے قریب موجود تھے۔ فائرنگ کے نتیجے میں وہ موقع پر ہی جاں بحق ہو گئے، جبکہ حملہ آور فرار ہونے میں کامیاب ہو گئے۔پولیس نے بتایا کہ مقتول نیشنل پارٹی کے رہنما حاجی صالح محمد کے بیٹے اور ضلع پنجگور کے ڈسٹرکٹ چیئرمین مالک صالح بلوچ کے بھائی تھے۔
ابتدائی طور پر قتل کے محرکات معلوم نہیں ہو سکے، تاہم پولیس نے مختلف پہلوؤں سے واقعے کی تحقیقات شروع کر دی ہے.
حیدرآباد میں سی ٹی ڈی کی کارروائی، فتنہ الہندوستان کے 2 دہشت گرد گرفتار
جنوبی وزیرستان میں خودکش بمبار گرفتار،افغان طالبان اور فتنۃ الخوارج کا گٹھ جوڑ بے نقاب
