وزیر اعلیٰ خیبر پختونخوا علی امین گنڈاپور کی ہدایت پر صوبائی حکومت نے افغانستان کے زلزلہ متاثرین کے لیے امدادی سامان روانہ کردیا۔
پشاور میں پی ڈی ایم اے ہیڈکوارٹر میں خصوصی تقریب کے دوران 35 ٹرکوں پر مشتمل سامان افغان قونصل جنرل حافظ محب اللہ شاکر کے حوالے کیا گیا۔امدادی سامان میں 500 ونٹرائز ٹینٹس، 500 فیملی سائز ٹینٹس، 1000 ترپال، 1500 گدے، 3000 تکیے، 1500 رضائیاں، 500 کمبل اور 2 ٹرکوں میں ضروری ادویات شامل ہیں۔تقریب میں صوبائی وزیر ریلیف، وزیراعلیٰ کے معاون خصوصی برائے ریلیف نیک محمد خان، چیف سیکریٹری شہاب علی شاہ، سیکریٹری ریلیف یوسف رحیم، ڈی جی پی ڈی ایم اے اسفندیار خٹک اور دیگر اعلیٰ حکام شریک ہوئے۔
چیف سیکریٹری نے کہا کہ خیبر پختونخوا حکومت مشکل کی اس گھڑی میں افغان بھائیوں کے ساتھ کھڑی ہے اور متاثرہ خاندانوں کی بحالی تک تعاون جاری رہے گا.افغان قونصل جنرل محب اللہ شاکر نے امداد کو خیرسگالی اور بھائی چارے کی علامت قرار دیتے ہوئے پاکستانی عوام و حکومت کا شکریہ ادا کیا۔
واضح رہے کہ افغانستان کے صوبہ کنڑ میں حالیہ زلزلے سے تقریباً 1400 افراد جاں بحق اور ہزاروں بے گھر ہوچکے ہیں، جہاں متاثرہ خاندان کھلے آسمان تلے زندگی گزارنے پر مجبور ہیں۔ پاکستان کی جانب سے بھیجی گئی یہ امداد ان کے لیے قیمتی سہارا ثابت ہوگی۔
اسپیکٹرم نیلامی میں تاخیر اورسائبر فراڈز پر سینیٹ کمیٹی کا اظہار تشویش
سرکاری خرچ پر شاہانہ کھانے، کرویشیا کی سابق وزیر کو سزا
قومی اسمبلی ،نام لئے بغیر حنیف عباسی خواجہ آصف پر برس پڑے
کوئٹہ دھماکا،دفعہ 144 کے باوجود جلسہ کیوں،دہشت گردوں کی سہولت کاری؟
