نواز شریف کا لاہور کی ریلی میں شیر لانےکا نوٹس ،کیا ہدایت کی؟

لاہور: مسلم لیگ ن کے قائد نواز شریف نے لاہور کی ریلی میں شیر لانےکا نوٹس لیا اور اسے فوری واپس بھجوانے کی ہدایت کی۔

باغی ٹی وی: مسلم لیگ ن کی سیکرٹری اطلاعات مریم اورنگزیب نے سوشل میڈیا پر اپنے بیان میں کہا کہ بعض افراد نواز شریف کی لاہور میں موہنی روڈ پر ریلی میں زندہ شیر لے آئے تھے، جس کا انہوں نے سخت نوٹس لیتے ہوئے شیرکو فوری واپس بھجوانےکی ہدایت کی، جس پر شیر واپس بھجوا دیا گیا۔
https://x.com/Marriyum_A/status/1749724430941528375?s=20
مریم اورنگزیب کے مطابق نواز شریف نے سختی سے ہدایت کی کہ پورے ملک میں کسی بھی ریلی میں زندہ شیر یا کوئی اور جانور نہ لایا جائے، دین اسلام اور جانوروں سے متعلق قوانین نے ہمیں جانوروں کے حقوق کے احترام کی تلقین کی ہے۔
https://x.com/Marriyum_A/status/1749826007136358642?s=20
دوسری جانب پاکستان مسلم لیگ (ن) کے قائدنواز شریف کل ننکانہ صاحب جائیں گے جہاں وہ ہاکی سٹیڈیم میں منعقدہ عوام کے ایک بڑے اور عظیم الشان اجتماع سے خطاب کریں گےپارٹی کی سینیئر نائب صدر اور چیف آرگنائزر مریم نواز شریف صاحبہ بھی قائد محمد نواز شریف کے ہمراہ ہوں گی پارٹی قائد پاکستان کی معاشی خود انحصاری اور عوام کو مہنگائی سے نجات دلانے کے ایجنڈے پر بات کریں گےپاکستان کی ترقی کا سفر پھر سے شروع کرنے کی اپنی حکمت عملی واضح کریں گے۔