بگ باس کنٹسٹنٹ اور اداکارہ ریمی سین نے بگ باس کو بیکار شو قرار دیا

معروف بھارتی رئیلیٹی شو بگ باس کے سیزن 9 کی کھلاڑی ریمی سین کا کہنا ہے کہ بگ باس ایک بیکار شو ہے لیکن میں اچھے پیسوں کی پیش کش کی وجہ سے بگ باس کے گھر میں آئی۔

باغی ٹی وی : بھارتی میڈیا رپورٹس کے مطابق ریمی سین نے اپنے حالیہ انٹرویو میں کہا کہ ’میں نے بگ باس کے سیزن 9 میں صرف اس لیے کام کیا تھا کیونکہ مجھے اچھے پیسوں کی آفر ہوئی تھی۔

ریمی سین نے کہا کہ ’میں بگ باس میں آنے سے پہلے ہمیشہ یہی سوچا کرتی تھی کہ یہ ایک ایسا بیکار شو ہے جہاں لوگ تین مہینے تک صرف ایک کافی کے لیے لڑتے ہیں۔

بالی ووڈ اداکارہ نے کہا کہ ’مجھے بگ باس کا شو بیکار لگتا تھا لیکن میں اچھے پیسوں کی پیش کش کی وجہ سے بگ باس کے گھر میں آئی۔

اُنہوں نے کہا کہ بگ باس ایک ایسی چھٹیاں ہیں جس کے بدلے آپ کو اچھا خاصہ معاوضہ ملتا ہے اور یہی وجہ ہے کہ حقیقت جانتے ہوئے بھی ہر کوئی اس کی آفر قبول کرلیتا ہے۔

ریمی سین نے کہا کہ میں جب بگ باس کے گھر میں داخل ہوئی تو میں نے اُس وقت محسوس کیا کہ یہ شو کس طرح کنٹسٹنٹ کے دماغ کے ساتھ کھیل رہا ہے اور اس کی وجہ سے ہمارے ذہنی صحت کس قدر مُتاثر ہورہی ہے۔

اداکارہ نے مزید کہا کہ بگ باس کے گھر میں ہر شخص دوسرے کنٹسٹنٹ کو بُرا بھلا کہتا ہے لیکن میں کبھی نہیں لڑتی کیونکہ یہ مسئلے کا حل نہیں تھا، اس سے مزید مسائل پیدا ہوتے ہیں۔

خیال رہے کہ بگ باس نے اداکارہ ریمی کو49 دنوں میں 2 کروڑ 25 لاکھ دیئے تھے۔

واضح رہے کہ اس سے قبل ایک انٹرویو میں بگ باس کے سیزن 14 کی کھلاڑی پویترا پونیا کا کہنا ہے کہ بگ باس کے گھر اچھا خاصا انسان بھی ذہنی اذیت کا شکار ہوجاتا ہے-

ویترا پونیا نے کہا تھا کہ جب آپ ایک چھت کے نیچے ایسے انجان لوگوں کے ساتھ رہتے ہو جن کے بارے میں آپ کو زیادہ علم نہ ہو تو لڑائی جھگڑے ہوتے ہیں۔

اُنہوں نے کہا تھا کہ بعض اوقات تو وہ جھگڑے اتنی شدت اختیار کرجاتے ہیں کہ اچھا خاصا انسان بھی ذہنی اذیت کا شکار ہوجاتا ہے اور پھر وہ بس یہی چاہتا ہے کہ کسی طرح اس گھر سے باہر نکل جاؤں۔

بگ باس کے گھر اچھا خاصا انسان بھی ذہنی اذیت کا شکار ہوجاتا ہے پویترا پونیا