ڈسٹرکٹ ایمرجنسی آفیسر کی زیر صدارت ضلع تلہ گنگ کا پہلا باضابطہ اجلاس

تلہ گنگ،باغی ٹی وی (شوکت ملک سے) ڈسٹرکٹ ایمرجنسی آفیسر حمزہ علی کی زیر صدارت ضلع تلہ گنگ کا پہلا باضابطہ اجلاس، اپنے فرائض کی ادائیگی ہماری اولین ترجیح ہے، ڈی ای او حمزہ علی، تفصیلات کے مطابق ڈسٹرکٹ ایمرجنسی آفیسر انجینئر حمزہ علی کی زیر صدارت ریسکیو 1122 اسٹیشن تلہ گنگ میں اجلاس منعقد ہوا، ریسکیورز سے گفتگو کرتے ہوئے حمزہ علی DEO تلہ گنگ نے کہا کہ اپنے فرائض کی ادائیگی ہماری پہلی ترجیح ہے، ریسکیو سروس کے معیار کو برقرار رکھنے کے لیے محنت اور لگن سے کام کرنا آپ کے لیے ضروری ہے، انہوں نے تمام ریسکیورز کو ہدایات جاری کرتے ہوئے کہا کہ بہترین ڈسپلن اور دوران ڈیوٹی جذبے سے کام کرنا اور ہر فرد سے اچھے اخلاق سے پیش آنا آپ کی پہچان ہونی چاہیے، اجلاس میں بلال قاسم اسٹیشن کوآرڈینیٹر تلہ گنگ اور حبیب اختر اسٹیشن کوآرڈینیٹر لاوہ سمیت ضلع بھر سے ریسکیورز نے شرکت کی، یاد رہے انجینئر حمزہ علی چند دن قبل ضلع تلہ گنگ کے ڈسٹرکٹ ایمرجنسی آفیسر تعینات ہوئے ہیں۔