حکومت سندھ نے کابینہ میں ردوبدل کرتے ہوئے متعدد وزرا اور معاونین کے قلمدان تبدیل کر دیے۔
نوٹی فکیشن کے مطابق ناصر حسین شاہ کو وزیر بلدیات سندھ جبکہ سعید غنی کو لیبر، ہیومن ریسورس و سوشل پروٹیکشن ڈپارٹمنٹ کا وزیر مقرر کیا گیا ہے۔ اس سے قبل ناصر حسین شاہ وزیر توانائی اور پی اینڈ ڈی تھے جبکہ سعید غنی وزیر بلدیات کے قلمدان پر فائز تھے۔محمد اسمٰعیل راہو کو کابینہ میں بطور وزیر شامل کر لیا گیا جبکہ گیان چند ایسرانی کو وزیراعلیٰ سندھ کا مشیر برائے محکمہ بحالی مقرر کیا گیا۔جام خان شورو کو ایریگیشن کے ساتھ پی اینڈ ڈی ڈپارٹمنٹ کا اضافی قلمدان دیا گیا ہے۔ مخدوم محبوب الزماں کو صوبائی وزیر خوراک مقرر کیا گیا جبکہ ان سے محکمہ بحالی واپس لے لیا گیا۔
وزیراعلیٰ سندھ نے 4 خصوصی معاونین کا بھی تقرر کیا ہے، جن میں ڈاکٹر شام سندر کے ایڈوانی، فراز عابد لاکھانی، محمد طارق حسن اور عطا محمد پنہور شامل ہیں۔مزید برآں محمد علی راشد کو معاون خصوصی سائنس و آئی ٹی جبکہ عبدالجبار خان کو محکمہ خوراک سے ہٹا کر محکمہ بحالی کا معاون خصوصی مقرر کیا گیا۔ اسی طرح جین خان سرفراز کو سوشل پروٹیکشن کی جگہ آرکائیوز کا معاون خصوصی بنا دیا گیا۔
نوشکی بازار میں دستی بم دھماکا، ایک جاں بحق، 9 افراد زخمی
برطانیہ میں کام کے لیے ڈیجیٹل آئی ڈی لازمی قرار
