وزارت داخلہ نے پی او آر (پروف آف رجسٹریشن) کارڈ رکھنے والے افغان شہریوں کی وطن واپسی سے متعلق بڑا قدم اٹھاتے ہوئے باضابطہ نوٹیفکیشن جاری کر دیا ہے۔
جاری کردہ نوٹیفکیشن کے مطابق پی او آر کارڈ ہولڈرز کی رضاکارانہ واپسی کا عمل فوری طور پر شروع کیا جائے گا، جبکہ باقاعدہ عمل یکم ستمبر 2025 سے لاگو ہوگا۔یہ فیصلہ ایک اعلیٰ سطح اجلاس میں سیکیورٹی خدشات اور دستیاب وسائل پر بڑھتے دباؤ کو مدِ نظر رکھتے ہوئے کیا گیا۔نوٹیفکیشن میں ہدایت کی گئی ہے کہ نادرا واپس جانے والوں کی رجسٹریشن بارڈر ٹرمینلز پر ختم کرے گا۔ایف آئی اے نامزد بارڈر کراسنگ پوائنٹس پر سہولت کاری کے فرائض انجام دے گا۔جلا وطن افراد کے لیے ٹرانزٹ ایریاز اور مالی معاونت کا بھی بندوبست کیا جائے گا۔روزانہ کی بنیاد پر واپسی کی پیشرفت کی نگرانی فارن نیشنل سیکیورٹی ڈیش بورڈ کرے گا۔
واضح رہے کہ افغان مہاجرین کی واپسی کی مہم 2023 میں شروع کی گئی تھی، جسے رواں سال اپریل 2025 میں مزید تیز کیا گیا۔حکومتی اعداد و شمار کے مطابق اب تک 10 لاکھ سے زائد افغان شہری پاکستان چھوڑ چکے ہیں، جن میں سے 2 لاکھ صرف اپریل 2025 کے بعد واپس گئے۔حکام کا کہنا ہے کہ غیر قانونی طور پر رہائش پذیر افراد کو مقررہ مدت کے بعد گرفتار بھی کیا جا سکتا ہے۔
اوچ شریف: یومِ استحصالِ کشمیر مکمل نظرانداز، اسسٹنٹ کمشنر کی نااہلی بے نقاب
