پشاور:ایمل ولی کو قتل کی دھمکیاں ملنے کا انکشاف،بلاول بھٹو کی شدید مذمت،اطلاعات کے مطابق عوامی نیشنل پارٹی (اے این پی) خیبر پختونخوا کے صدر ایمل ولی خان کو قتل کی دھکمیاں ملنے کا انکشاف ہوا ہے۔
رہنما اے این پی ثمر بلور کا کہنا ہے کہ ایمل ولی کو فون پر دھمکی آمیز کال موصول ہوئی ہے۔ثمر بلور نے مزید کہا کہ ہمارا تحفظ حکومت کی ذمہ داری ہے، ایمل ولی خان ولی باغ کے سیاسی وارث ہیں، انکو ذرہ برابر بھی نقصان پہنچایا گیا تو ہم سے گلہ نہ کریں۔
بلوچستان: حب، لسبیلہ اور پشین میں بلدیاتی انتخابات، پولنگ کا وقت ختم
چیئرمین پیپلز پارٹی بلاول بھٹو زرداری نے ایمل ولی خان کو دھمکیوں کی شدید مذمت کرتے ہوئے انہیں ہر ممکن تعاون کی یقین دہانی کرائی ہے۔اپنے بیان میں بلاول بھٹو نے کہا کہ اے این پی کے رہنما کو دھمکی آمیز ٹیلی فونک کالز دہشت گردی ہے اور دہشت گردوں کو کسی بھی جمہوری سیاسی رہنما، کارکن یا عام آدمی کو نقصان پہنچانے کی اجازت نہیں دی جائے گی۔
اینٹی ڈالر اسمگلنگ آپریشنز:پشاور اور ڈیرہ اسمٰعیل خان میں گرفتاریاں
بلاول بھٹو زرداری نے کہا کہ حکومت سمیت پوری قوم دہشت گردی کے خلاف اپنے دوٹوک مؤقف کے حوالے سے ایک پیج پر ہیں۔ انہوں نے متعلقہ حکام پر زور دیا کہ وہ اس معاملے میں ملوث ملزمان کو قانون کی گرفت لائیں اور ایمل ولی خان کی سیکیورٹی کو یقینی بنایا جائے۔
