وزیراعلیٰ پنجاب مریم نواز نے کہا ہےکہ پنجاب میں کسی کو اجازت نہیں دوں گی کہ اقلیتوں سے ٹکر لے کیونکہ آپ کی حفاظت اور آپ کا تحفظ میری ذمہ داری ہے۔
مریم نواز نے لاہور میں کرسمس کی تقریب میں شرکت کی جہاں انہوں نے مسیحی رہنماؤں کے ہمراہ کرسمس کیک کاٹا اور کرسمس گرانٹ کے چیک تقسیم کیے،اس موقع پر تقریب سے خطاب کرتے ہوئے وزیراعلیٰ پنجاب مریم نواز کا کہنا تھا کہ جو کسی کا حق مارے گا اس کو معاف نہیں کیاجائے گا، جو کسی کے ساتھ زیادتی کرے گا اس کا مقابلہ ریاست سےہے، ریاست کے ساتھ کوئی نہیں لڑ سکتا ہے، پنجاب میں کسی کو اجازت نہیں دوں گی کہ اقلیتوں سے ٹکر لے، آپ کی حفاظت، آپ کا تحفظ میری ذمہ داری ہے،کسان کارڈ، ہونہار اسکالر شپ دیتے ہوئے کبھی کسی سے مذہب کا نہیں پوچھا، ہاؤسنگ اسکیم میں سوا لاکھ گھر دیے جن میں بڑی تعداد اقلیتوں کی ہے اقلیتوں کا بجٹ 600 فیصد بڑھایا ہے، اقلیت دوست پنجاب خواب ہے، سکھ اپنی پگڑی نہیں اتارتے، انہیں ہیلمٹ پہننے سے استثنیٰ دیا، ہم نے اقلیتوں کو سر کا تاج بنایا ہے، بھارتی وزیراعلیٰ نے مسلم خاتون کا نقاب اتار کر مسلمانوں کی تذلیل کی ہے۔قائد اعظم محمد علی جناح وہ عظیم رہنما ہیں جنہوں نے منتشر قوم کو یکجا کر کے انکی تقدیر بدل دی،ہم ہندو، عیسائی یا سکھ نہیں ہم پاکستانی ہیں، میرے سامنے کیس آتا ہے تو میں نے کبھی نہیں دیکھا کہ تعلق کس مذہب سے ہے، میں انصاف کی بنیاد پر فیصلہ کرتی ہوں،پنجاب اب اقلیتوں کے لیے محفوظ جگہ ہے۔ میں یقین دلاتی ہوں کہ جب تک میں وزیر اعلیٰ ہوں کسی اقلیتی شہری کے ساتھ زیادتی پر میں مضبوط دیوار بن کر کھڑی ہوں گی قبرستان سمیت ہر ضرورت پر فوری اقدام ہوگا آپ کے پاس مکمل اختیار ہے
