زمان پارک میں ریاستی اداروں کو چیلنج کیا جا رہا ہے،مریم اورنگزیب

باغی ٹی وی کی رپورٹ کے مطابق وفاقی وزیر اطلاعات ،ن لیگ کی رہنما مریم اورنگزیب نے کہا ہے کہ زمان پارک میں ریاستی اداروں کو چیلنج کیا جا رہا ہے،

مریم اورنگزیب کا کہنا تھا کہ پولیس عمران خان کو گرفتار کرنے کے لیے عدالتی احکامات کی تعمیل کر رہی ہے، زمان پارک میں پولیس کے پاس کوئی ہتھیار نہیں تھے،اہلکاروں کو پیٹرول بموں، ڈنڈوں اور پتھروں سے مارا گیا،پولیس کی گاڑیوں پر پیٹرول بموں سے حملے کیے گئے، زمان پارک میں ڈی آئی جی آپریشنز سمیت 65 پولیس اہلکار زخمی ہوئے عمران خان نے گرفتاری سے بچنے کے لیے پارٹی کارکنوں کو استعمال کیا عمران خان نے گرفتاری سے بچنے کے لیے خواتین اور بچوں کو ڈھال کے طور پر استعمال کیا حالیہ آڈیو لیک ثبوت ہے کہ عمران خان نے پیٹرول منگوا کر بموں میں استعمال کروایا،

مریم اورنگزیب کا مزید کہنا تھا کہ عمران خان کو عدالت نے بار بار وقت دیا وہ پیش نہیں ہوئے،عمران خان غیر قانونی عمل سے عدالت پر اثر انداز ہونے کی کوشش کر رہے ہیں، آئین میں قانون سب کے لیے برابر ہے،اگر برطانیہ میں کوئی سیاسی رہنما عدالتی احکامات کی خلاف ورزی کرے تو وہاں کیا ہوگا؟ عمران خان قانون نافذ کرنے والے اداروں سے تعاون کی بجائے قانون شکنی کر رہے ہیں، عمران خان کو ملک میں خانہ جنگی، تشدد، انارکی کو ہوا دینے کی اجازت ہر گز نہیں دی جا سکتی،