صدر مملکت آصف علی زرداری کی بیٹی بختاور زرداری نے عمران خان اور پی ٹی آئی کو آئینہ دکھا دیا
سماجی رابطے کی ویب سائٹ ایکس پر ایک پوسٹ میں بختاور زرداری کا کہنا تھا کہ پی ٹی آئی اور عمران خان نے امریکہ پر اپنی برطرفی کا الزام لگایا، حالانکہ حقیقت یہ ہے کہ یہ ایک جمہوری پارلیمانی ووٹ کے ذریعے ہوا۔ اس کے ساتھ ہی، پی ٹی آئی والے امریکی لابیوں اور کمپنیوں کو پیسے دے رہے تھے اور عمران خان کی رہائی کے لیے غیر ملکی مداخلت کی بھیک مانگ رہے ہیں
When convenient PTI & IK blamed US for his removal (reality being a democratic parliamentary vote that ousted him) whilst simultaneously paying US lobbyists & firms and begging for foreign intervention for his release 🥲🤯 https://t.co/ua4L3soTyp
— Bakhtawar B-Zardari (@BakhtawarBZ) October 31, 2024
بختاور زرداری کا یہ بیان اس وقت سامنے آیا جب پی ٹی آئی امریکہ کے ایکس اکاؤنٹ سے ایک پوسٹ کی گئی جس میں کہا گیا کہ امریکہ میں پی ٹی آئی کی قیادت اہم امریکی رہنماؤں کو پاکستان میں جمہوریت اور انسانی حقوق کی حالت کے بارے میں آگاہ کرنے میں سرگرم ہے۔سجاد برکی اور عاطف خان نے ریپبلکن نیشنل کمیٹی کی شریک چیئر لارا ٹرمپ کے ساتھ تفصیلی گفتگو کی ، انہوں نے انہیں پاکستان کی صورتحال اور عمران خان کے علاج کے بارے میں تفصیل سے آگاہ کیا۔ لار ا ٹرمپ نے اپنی ٹیم کے ذریعے مدد و حمایت کی یقین دہانی کروائی.
