رشوت خور واپڈا ،نصف صدی پرانی تاریں

قصور
لیسکو قصور لوگوں کیلئے عذاب رشوت ستانی کام چوری اور ہٹ دھرمی میں سب سے آگے نصف صدی پرانی تاریں بار بار جوڑ لگا کر دل کو تسلی دینا وطیرہ بنا لیا بوسیدہ تاریں لوگوں کے سروں پر لٹکتی موت
تفصیلات کے مطابق قصور واپڈا ضلع بھر کے سب محکموں میں سے سب سے زیادہ کرپٹ کام چور اور ہڈ حرام ہے نصف صدی پرانی بجلی کی تاریں بار بار جوڑ لگا کر اپنے اور لوگوں کے دلوں کو تسلی دیتے ہیں اور نئی تاریں بیچ کر کھا جاتے ہیں قصور کے نواحی گاؤں کھارا میں 2 دن قبل بجلی کی ایک تار گر گئی جو کہ ہر گرمیوں میں گرتی ہے تاہم خوش قسمتی سے کوئی جانی نقصان نا ہوا جسے واپڈا اہلکاران حسب عادت جوڑ لگا کر چلتے بنے وہی تار آج صبح 6 بجے پھر گر گئی جو کہ سپارہ پڑھنے جانے والے بچوں کے بلکل قریب ہی گری تاہم خوش قسمتی سے بچے محفوظ رہے واضع رہے یہ تاریں نصف صدی پرانی ہیں اور اس پورے گاؤں میں 25 کے قریب ٹرانسفارمر ہیں اور سارے گاؤں کی تاریں نصف صدی پرانی ہیں جنہیں ٹوٹنے پر جوڑ لگا کر مرمت کیا جاتا ہے بدلا نہیں جاتا مگر کاغذات میں راشی محکمہ درجنوں بار ان تاروں کے پیسے کھا چکا ہے
لوگوں نے وزیراعلی پنجاب اور چیئرمین واپڈا سے نوٹس لے کر بجلی کی بوسیدہ لائن کو تبدیل کرنے کی درخواست کی ہے تاکہ کوئی جانی نقصان نا ہو