پولیس کی وردیوں میں ڈاکو شہری کے گھر سے لاکھوں روپے کا مال لوٹ کر فرار

0
30

مظفرگڑھ ۔ پولیس کی وردیوں میں ڈاکو شہری کے گھر سے لاکھوں روپے کا مال لوٹ کر فرار ہوگئے ۔ تفصیل کے مطابق مظفرگڑھ شہر کی فرید کالونی کے رہائشی محمد اسلم کے گھر گزشتہ شب پولیس کی وردیوں میں ملبوس ڈاکو دیواریں پھلانگ کر داخل ہو گئے اور تلاشی لینے کے نام پر سب اہل خانہ کو ایک کمرے میں بند کر دیا اور گھر سے 10 لاکھ کے زیورات اور دیگر قیمتی سامان لوٹ کر فرار ہو گئے ۔ محمد اسلم نے شہر کے تمام تھانوں سے رابطہ کرکے پوچھا کہ اس کے گھر کون سے تھانے کی پولیس نے چھاپہ مارا ہے تو تمام تھانوں کی پولیس نے چھاپہ مارنے کی تردید کی ۔ محمد اسلم کے مطابق پولیس وردی میں ملبوس ڈاکووں نے اہلخانہ پر تشدد بھی کیا ۔ پولیس تھانہ سول لائن نے مقدمہ درج کرکے تفتیش شروع کر دی ہے

Leave a reply