نیشنل سائبر کرائم انویسٹی گیشن ایجنسی (این سی سی آئی اے) نے کارروائی کرتے ہوئے آن لائن جابز اور ٹریننگ کے نام پر شہریوں کو لوٹنے والا نیٹ ورک بے نقاب کر دیا۔
ترجمان کے مطابق کارروائی ملتان کے بوسن روڈ پر قائم ایک نجی اسکول میں کی گئی، جہاں سے مرکزی ملزم سمیت 8 افراد کو گرفتار کیا گیا۔چھاپے کے دوران موبائل فونز، ڈیجیٹل ڈیوائسز اور مالی ریکارڈ برآمد کیے گئے، جبکہ واٹس ایپ اور ٹیلیگرام گروپس سے جعلسازی اور بلیک میلنگ کے شواہد بھی حاصل ہوئے۔ترجمان این سی سی آئی اے کے مطابق ملزمان جعلی ادارے کے نام پر شہریوں کو آن لائن جابز اور ٹریننگ کا جھانسہ دے کر کروڑوں روپے کا فراڈ کر چکے تھے۔ مقدمہ درج کر کے مزید تفتیش شروع کر دی گئی ہے۔
موناکو میں پاکستانی سفیر کی شہزادہ البرٹ دوم سے ملاقات
بیلجیم کےوزیراعظم پر حملے کی منصوبہ بندی ناکام، 3 گرفتار
نوبیل امن انعام جیتنے والی ماریا کورینا ماچادو نے ایوارڈ ٹرمپ کے نام کر دیا
