بھارت اور نیوزی لینڈ کے درمیان دوسراون ڈے،بھارتی کپتان روہت شرما ٹاس جیت کر فیصلہ لینا بھول گئے-
باغی ٹی وی: گزشتہ روز نیوزی لینڈ کے خلاف دوسرے ون ڈے میچ میں بھارتی کپتان روہت شرما ٹاس جیت کر یہ بھول گئے کہ انہوں نے بیٹنگ یا بولنگ میں سے کیا کرنا ہے۔
فیفا ورلڈ کپ ٹرافی جیتنے پر خراج تحسین،کسان نے مکئی کے کھیت میں میسی کی تصویر بنا دی
سوشل میڈیا پر وائرل ویڈیوبھارتی شہر رائے پور میں کیویز کے خلاف ہونے والے میچ کے ٹاس کے لیے پچ پر بھارتی کپتان روہت شرما، کیوی کپتان ٹام لیتھم ، پریزنٹر روی شاستری اور میچ ریفری موجود تھے۔
https://twitter.com/mufaddal_vohra/status/1616704201761128449?s=20&t=alSK3QULOiVfrTBnPFZRbg
روہت شرما نے سکہ ہوا میں اچھالا ،کیوی کپتان نے ہیڈ کی کال کی لیکن سکے پر ٹیل آیا اور بھارت نے ٹاس جیت لیا ٹاس جیتنے پر میچ ریفری نے روہت کی جانب دیکھا اور ان کا بیٹنگ یا بولنگ کرنے کا فیصلہ سننا چاہا پر حیرت انگیز طور پر بھارتی کپتان غیر معولی وقت تک یہ بھول گئے کہ انہوں نے ٹاس جیت کر کیا فیصلہ لینا ہے۔
اس دوران روہت دماغ پر زور ڈال کر سوچتے ہوئے نظر آئے، تاہم کچھ سکینڈز بعد بھارتی کپتان نے میچ ریفری کو بتایا کہ وہ بولنگ کریں گے، روہت کی جانب سے فیصلے کی تاخیر پر کیوی کپتان اور پیچھے کھڑے کھلاڑی بھی حیران ہوتے ہوئے مسکرائے۔
دوسری جانب سوشل میڈیا پر اس واقعہ کی ویڈیو وائرل ہوگئی جس پر بھارتی کپتان روہت شرما کو کافی ٹرول کیا جارہا ہے۔
https://twitter.com/JaMeS_b0n_07/status/1616750545565544450?s=20&t=hiuonjCu3_vn8r0dxk3zRw
واضح رہے کہ ماضی میں بھارتی کرکٹر ویرات کوہلی روہت شرما کی چیزیں بھول جانے کی عادت کے بارے میں بتا چکے ہیں ویرات کوہلی نے ایک شو میں بتایا تھا جتنی چیزیں روہت شرما بھولتا ہے اتنا میں نے کسی کو نہیں دیکھا چیزیں بھولتے ہوئے۔
