اوکاڑہ :رینالہ خورد کے نواحی علاقہ میں کمرے کی چھت گر گئی، 3 مزدور جانبحق

اوکاڑہ باغی ٹی وی نامہ نگار ملک ظفر ۔رینالہ خورد کے نواحی علاقے میں کمرے کی چھت گر گئی، 3 مزدور جانبحق، ریسکیو ٹیموں نے نعشوں کو ملبے تلے سے نکال کر لواحقین کے حوالے کر دیا جبکہ ملبہ ہٹانے کا عمل جاری ہے۔
تفصیلات کے مطابق رینالہ خورد کے نواحی علاقے اسلام پورہ میں واقع گھر کی چھت گر گئی۔ ابتدائی معلومات کے مطابق کمرہ دورانِ تعمیر گرا۔
اطلاع ملنے پر ریسکیو 1122 رینالہ خورد کی دو ایمبولینسز اور ریسکیو اوکاڑہ سے ریسکیو وہیکل فوری جائے حادثہ کی طرف روانہ کر دی گئیں۔
ریسکیو ٹیموں نے جائے حادثہ پر پہنچ کر امدادی کارروائیاں شروع کر دیں۔3 جانبحق مزدوروں کی نعشوں کو نکال کر لواحقین کے حوالے کر دیا۔
جبکہ ملبہ ہٹانے کا عمل جاری ہے۔