روسی فوج کے حملے میں یوکرینی ایئر بیس تباہ
یوکرینی صدر نے ایک ویڈیو پیغام جاری کیا جس میں اپنے ملک کے لوگوں کو ہمت اور حوصلے اور بہادری کی داد دی اور کہا کہ ہم یہ جنگ ضرور جیتیں گے
روسی فوج نے کیف کے علاقے میں راکٹ حملہ کیا ہے جس سے یوکرینی ایئربیس تباہ ہو گیا ہے راکٹ حملے سے کیف کےعلاقے میں گولہ بارود کے ڈپو کو ہدف بنایا گیا ،روس کی جارحیت 17 ویں روز بھی جاری ہے روسی بمباری سے کیف کے ایک گروسری سٹور میں آگ لگ گئی ہے
یوٹیوب نے روس کے سرکاری فنڈ سے چلنے والے میڈیا چینلز بلاک کرنے کا اعلان کر دیا،یوٹیوب یورپ میں روس کے چینلز آر ٹی اور سپوتنک کو بلاک کر چکا ہے،
روسی وزارت دفاع کا کہنا ہے کہ روسی فوج اب تک3ہزار 491 یوکرینی ملٹری انفراسٹرکچر تباہ کر چکی ہے، یوکرین نے دعویٰ کیا ہے کہ ماریوپول میں مسجد پر گولہ باری کی گئی جس کی وجہ سے 80شہری زخمی ہو گئے ہیں ،برطانوی وزارت دفاع کا کہنا ہے کہ روسی افواج کا بڑا حصہ کیف سے 25 کلومیٹر کے فاصلے پر ہے،روسی وزارت خارجہ کا کہنا ہے کہ امریکہ سے ہتھیاروں کے کنٹرول پر بات کرنے کے لیے تیار ہے،امریکہ اور روس مسلسل رابطے میں ہیں،امریکہ اور نیٹو کوبھیجی گئی روسی تجاویز اب بدل چکی ہیں،ر
روس نے الزام لگایا ہے کہ یوکرین نے مختلف ممالک کے 7 ہزار کے قریب افراد کو یرغمال بنا رکھا ہے جب کہ 70 بحری جہاز بندرگاہوں پر پھنسے ہوئے ہیں پولینڈ، مالڈووا اور رومانیہ کے مغرب میں کیف حکام کے زیر کنٹرول علاقوں میں ایک راہداری بنائی جا رہی ہے روسی سفارت خانے نے کہا کہ ہم نے جن دس راستوں کی تجویز پیش کی ہے ان میں سے یوکرین کے باشندوں نے صرف دو پر اتفاق کیا ہے، جن میں کیف اورماریوپول شامل ہیں کیف میں حکام نے مزید چار شہروں ازیم، اینرگوڈار، ولوناخا اور زائیٹومیر کی سمتوں میں چار راستوں کو کھولنے کا اعلان کیا ہے روس کے بیان میں مزید کہا گیا ہے کہ ’صرف گزشتہ 24 گھنٹوں کے دوران مزید 23,127 افراد نے روس میں پناہ لی ہے اور ان میں سے 26,19,026 پہلے ہی یوکرین کی تقریباً 2,000 بستیوں میں رہ رہے ہیںرپورٹ میں کہا گیا ہے کہ 3,562 بچوں سمیت 34,555 لوگوں کو یوکرین کے مختلف علاقوں کے ساتھ ساتھ لوگانسک اور ڈونسک کی جانب سے، یوکرین کی شراکت داری کے بغیر 2،23،000 سے زیادہ لوگوں کو فوجی کارروائی کے بعد سے نکالا گیا ہے جن میں سے 50,258 بچے شامل تھے۔
روس کے ساتھ برسرپیکار یوکرین کی مدد کے لیے امریکا، برطانیہ اور دیگر نیٹو ممالک کی جانب سے ہتھیاروں کی فراہمی کا سلسلہ جاری ہے امریکا نے یوکرین کو اینٹی ڈرون فضائی دفاعی نظام فراہم کرنے کا فیصلہ کیا ہے جو جلد ہی یوکرین کے حوالے کر دیا جائے گا امریکی حکومتی ذمے داران کے مطابق وزارتِ دفاع پینٹاگون نے نئے ہتھیاروں کی فروخت کے حوالے سے بڑھتی ہوئی مانگ پوری کرنے کے لیے ایک خصوصی ٹیم کا سہارا لیا ہے۔
دوسری جانب امریکہ نے خبردار کیا ہے کہ اگر روس نے یوکرین کے خلاف کیمیائی ہتھیاروں کا استعمال کیا تو اسے اس کی بھاری قیمت چکانا پڑے گی امریکی صدر جوبائیڈن نے یہ اعلان روس کے اس الزام کے بعد کیا کہ یوکرین اور امریکہ حیاتیاتی اور کیمیائی ہتھیار تیار کر رہے ہیں۔تاہم جوبائیڈن نے اس عزم کا اعادہ کیا کہ امریکی افواج یوکرین میں نہیں لڑیں گی اور تیسری عالمی جنگ سے بچاؤ کیلئے روس کو اشتعال دلانے سے گریز کیا جائے گا امریکی صدر نے روس کے ساتھ معمول کے تجارتی تعلقات ختم کرنے اور اس کے خلاف نئی پابندیاں عائد کرنے کا بھی اعلان کیا
یوکرینی فوج نے فرانسیسی مجسمے کو روسی حملے سے بچانے کے لیے تقریباََ 1200 سے زائد ریت کے تھیلے ارد گرد رکھ دیے – ڈیوک ڈی ریشیلیو کے فن تعمیر اور فن کی قومی اہمیت کی یادگار، جو اوڈیسا کو ایک جدید شہر میں تبدیل کرنے کا ذمہ دار ایک فرانسیسی رئیس تھا۔
روس نے 24 فروری کو پڑوسی ملک یوکرین پر حملہ کیا تھا۔ دونوں ملکوں کے درمیان جنگ تاحال جاری ہے اور اس کے ساتھ ساتھ مذاکرات بھی ہو رہے ہیں مغربی ممالک نے اس حملے کے جواب میں روس پر انتہائی سخت معاشی پابندیاں عائد کی ہیں
امریکہ اور برطانیہ سمیت 28 ممالک کا یوکرین کو فوجی سازوسامان کی فراہمی پر اتفاق
یوکرینی جوڑے نے روسی حملے کے دوران کی شادی،پھر اٹھائے ملک کیلیے ہتھیار
روسی حملے کے بعد کیف میں بچے نے باتھ روم میں پناہ لے لی
یوکرین اورروس کے درمیان امن مذاکرات شروع،یوکرینی صدر نے بڑا مطالبہ کر دیا
روس کے یوکرین پر حملوں میں شدت،یوکرینی فوج کا یونٹ تباہ
یوکرین میں بھارتی طلبا کے ساتھ بدسلوکی،ویڈیو وائرل،مودی پر اپوزیشن کی تنقید
روسی حملے کے بعد یورپ کے سب سے بڑے نیو کلیئر پاور پلانٹ میں آگ لگ گئی
یوکرین سے زندہ لوگوں کو لانا مشکل،لاش تو ویسے بھی جہاز میں زیادہ جگہ گھیرتی ہے،رکن اسمبلی کا بیان
روس یوکرین جنگ نے تیل مزید مہنگا کر دیا
