ڈیرہ غازیخان:مظلوم کو انصاف فراہم کرنے ,جرائم کی روک تھام کیلئے میڈیا کا اہم کردار ہے۔ڈی پی او

ڈیرہ غازیخان،باغی ٹی وی (سٹی رپورٹر جواد اکبرکی رپورٹ)ریجنل پریس کلب ڈیرہ غازیخان کے وفد کی صدر ریجنل پریس کلب شہباز احمد زہر بلوچ کی زیرقیادت ڈی پی او ڈیرہ غازیخان سید علی سے اہم میٹنگ ۔مظلوم کو انصاف فراہم کرنے ۔جرائم کی روک تھام اور پولیس اور میڈیا کے کے تعلق کو مزید تقویت دینے کے حوالے سے تفصیلی گفتگو ۔

پولیس اور میڈیا کا چولی دامن کا ساتھ ہے۔ جراٸم کی نشاندہی کرنے میں میڈیا نے ہمیشہ اپنا کردار بھرپور ادا کیا۔ یہ بات ڈی پی او ڈیرہ غازیخان سید علی نے میڈیا سے تعارفی میٹنگ کے دوران کہی۔

انہوں نے کہا کہ مظلوم کی دادرسی اور غریب کو انصاف کی فراہمی میرا مشن ہے اور میں ہر غریب آدمی کے ساتھ کھڑا ہوں تاکہ بروقت انصاف کی فراہمی ممکن ہو۔ ڈی پی او سید علی نے میڈیا سے گفتگو کرتے ہوۓ کہا کہ انسپکٹر جنرل آف پولیس پنجاب کی ہدایت پر عوام الناس کا تحفظ ڈسٹرکٹ پولیس ڈیرہ غازیخان کی اولین ترجیح ہے ۔

کسی اچھے اور نیک کام کے لۓ میرے دروازے عوام الناس کے لۓ ہر وقت کھلے ہیں۔ عوام الناس کے تحفظ کے لۓ جس حد تک ممکن ہو گا ڈسٹرکٹ پولیس میری نگرانی میں اپنا بھر پورکردار ادا کرے گی۔

اس موقع پر تمام صحافیوں نے اس بات کا یقین دلایا کہ پورا میڈیا جراٸم کی روک تھام اور اس کے خاتمے کے لۓ پولیس کے شانہ بشانہ اپنا کردار ادا کریں گے جبکہ میڈیا اپنا POSITIVE کردار ادا کرتے ہوۓ ڈسٹرکٹ پولیس ڈیرہ غازیخان کے ہمیشہ ساتھ رہے گا۔