کراچی میں منگھو پیر روڈ پر مسلح ڈاکوؤں نے رہائشی سوسائٹی کی کیش وین سے 2 کروڑ 32 لاکھ روپے لوٹ لیے۔
پولیس حکام کے مطابق واقعہ گزشتہ روز منگھوپیر تھانے سے تقریباً 2 کلو میٹر کے فاصلے پر پیش آیا۔ مقدمہ سوسائٹی کے سیکیورٹی سپروائزر کی مدعیت میں درج کر لیا گیا ہے۔ایف آئی آر کے متن کے مطابق سوسائٹی کی کیش وین نجی بینک کے سامنے رکی تو رائیڈر 22 لاکھ سے زائد رقم کا تھیلا لے کر بینک چلا گیا۔ اس دوران جب کیش وین واپس جانے لگی تو 5 مسلح ڈاکوؤں نے اسے گھیر لیا۔
ملزمان رقم سے بھرا تھیلا چھین کر 2 موٹر سائیکلوں پر فرار ہو گئے۔ ایف آئی آر کے مطابق لوٹی گئی رقم 2 کروڑ 32 لاکھ روپے سے زائد تھی۔ ڈاکو سیکیورٹی گارڈ سے اسلحہ اور گولیاں بھی ساتھ لے گئے۔
