سٹیج کی معروف اداکارہ روبی انعم نے اپنے حالیہ انٹرویو میںکہا ہے کہ انڈیا میںفنکاروں کی کمی نہیں ہے لیکن وہ لوگ ہمارے کامیڈینز کو بہت زیادہ پسند کرتے ہیں، ان کی حالیہ پنجابی فلمیں اٹھا کر دیکھ لیں ان میںپاکستانی کامیڈینز نمایاں کردار کرتے ہوئے دکھائی دیتے ہیں. انہوں نے کہا کہ ہمارے پاس ایک سے بڑھ کر ایک کامیڈین ہے اور بہت خوشی ہوتی ہے کہ سب نے اپنے کام کے بل پر اپنا نام بنایا ہے . روبی انعم نے کہا کہ اینی ہائو میری کمپنی کی فلم ہے اور اس میںاکرم اداس اور وکی کوڈو نے اہم کردار ادا کئے ہیں، یہ ایک مکمل طور پر فیملی فلم ہے میں چاہوں گی کہ آپ سب آکر ضرور دیکھیں،
انہوں نے کہا کہ ”میںبھی بہت جلد پاکستانی فلم میں نظر آئوں گی”، میں بہت شکر گزار ہوں اپنے چاہنے والوں کی کہ انہوں نے مجھے ہمیشہ ہی بہت محبت دی . ان کی محبت کی وجہ سے آج میںیہاں کھڑی ہوں، روبی انعم نے کہا کہ حالانکہ انڈیا میں بہترین فنکار پائے جاتے ہیںلیکن وہ پاکستان فنکاروں کے ساتھ کام کرنے کو ترجیح دیتے ہیں ، مطلب یہ ہوا کہ ہمارے فنکاروں کا کام انڈینز کو بہت پسند ہے.