روس نے پاکستان اور افغانستان کے درمیان بڑھتی ہوئی سرحدی کشیدگی کم کرنے کیلئے ثالثی کی پیشکش کر دی ہے۔
روسی وزارتِ خارجہ کی ترجمان ماریا زخارووا نے ہفتہ کی پریس بریفنگ میں کہا کہ خطے میں استحکام روس سمیت عالمی برادری کی اولین ترجیح ہے۔ماریا زخارووا کا کہنا تھا کہ پاکستان اور افغانستان دونوں روس کے اہم شراکت دار ہیں، اور دونوں کے درمیان جاری تناؤ نہ صرف متعلقہ ممالک بلکہ پورے خطے کی سلامتی کیلئے تشویش کا باعث بن سکتا ہے۔ انہوں نے کہا کہ اگر دونوں ممالک چاہیں تو روس کشیدگی کم کرانے اور باہمی رابطے بحال کرانے کیلئے کردار ادا کرنے کو تیار ہے۔ترجمان کے مطابق سرحدی تنازعات کا دیرپا حل صرف مذاکرات سے ہی ممکن ہے، اس لیے پاکستان اور افغانستان کو چاہیے کہ تحمل کا مظاہرہ کریں، کشیدگی میں اضافے سے گریز کریں اور اپنے اختلافات بات چیت کے ذریعے حل کریں۔
ماریا زخارووا نے اس بات پر بھی زور دیا کہ مصالحتی کوششیں نہ صرف باہمی اعتماد کی بحالی میں مدد دیں گی بلکہ پورے خطے میں مستقل امن کی بنیاد بھی رکھ سکتی ہیں۔ روس نے ایک بار پھر واضح کیا کہ وہ امن کے قیام کیلئے ہر ممکن سفارتی معاونت فراہم کرنے کیلئے تیار ہے
پاک بھارت بلائنڈ ویمن کرکٹ میں مثبت رویہ، گرمجوشی سے ہاتھ ملائے
اسرائیل کا 7 اکتوبر حملوں کی تحقیقات کے لیے کمیشن کا اعلان
بھارتی کپتان آئی سی یو میں داخل، طبی نگرانی جاری
