سرگودھا : دی ایجوکیٹرز پولیس پبلک ہائی سکول کا طالب علم حمزہ جاویدکیڈٹ کالج میں جگہ بنانے میں کامیاب

سرگودھا،باغی ٹی وی ( ادریس نواز چدھڑ سے ) دی ایجوکیٹرز پولیس پبلک ہائی سکول نے ایک اور کامیابی اپنے نام کر لی . سکول کے ہونہار طالب علم حمزہ جاوید نے مقابلے کے امتحا ن بعد کیڈٹ کالج میں جگہ بنا لی

سرگودھا میں ایجوکیٹرز پولیس سکول کے ہونہار طالب علم حمزہ جاوید نے مقابلے کے امتحان بعد کیڈٹ کالج میں جگہ بنا لی ۔ اس کیلئے پورے پاکستان سے چالیس ہزار سے زائد طلباء نے امتحان میں حصہ لیا تھا ۔ جس میں ضلع سرگودھا سے صرف دو طالب علم اہل قرار پائے ۔

آر پی او شارق کمال صدیقی نے ہونہار طالب علم سے ملاقات کی ، مبارکباد دی اور نقد انعام دیا ۔

اس موقع پر انہوں نے کہا کہ بہت کم عرصے میں پولیس ایجوکیٹرز سکول نے بہترین ادارے کے طور پر اپنی شناخت قائم کی ہے ۔ بلاشبہ اس میں تمام سکول انتظامیہ اور اساتذہ کی محنت شامل ہے ۔

پولیس ملازمین کے بچوں کو معیاری تعلیم کا خواب شرمندہ تعبیر چکا ہے ۔ حمزہ جاوید کا والد جاوید اختر پنجاب ہائی وے پٹرول میں بطور اے ایس آئی فرائض سرانجام دے رہا ہے ۔