سرگودھا،باغی ٹی وی( نامہ نگارملک شاہنواز جالپ سے ) پاکستان مرکزی مسلم لیگ کے زیر اہتمام مقامی ہوٹل میں ورکرز کنونشن کے بعد پاکستان مرکزی مسلم لیگ رہنما پروفیسر حافظ مسعود کمال الدین نے عبدالحنان کوآرڈینیٹر NA-85 اور رائے منیر احمد کھرل امیدوار برائے صوبائی اسمبلی حلقہ PP-78 کے ہمراہ پریس کانفرنس میں این 85 سے قومی اسمبلی کا الیکشن لڑنے کا اعلان کرتے ہوئے کہا کہ آئندہ الیکشن میں مرکزی مسلم لیگ پورے پاکستان میں ہر حلقہ سے الیکشن میں بھرپور شرکت کریں گی ہمارا مشن نظریہ پاکستان کو زندہ کرنا ہے جس مقصد کے لئے پاکستان حاصل کیا گیاملک پاکستان جس مرحلے اور مقام پر ہے ہمیں اس وقت زیادہ سے زیادہ ضرورت اس امر کی ہیں کہ ہم محاذ آرائی کے بجائے ملک کے اندر اتحاد امت کاماحول پیدا کریں اور اتحاد امت کا سبق دیں،پاکستان اس وقت انتہائی مشکلات کا شکار ہے جس میں نفرتوں،عداوتیں اور آپس کے اختلافات اتنے ہوچکے کہ ضرورت اس امر کی ہے کہ پاکستان کو اتحاد کی طرف لے کر جایا جائے،
پاکستان مرکزی مسلم لیگ کا اتحاد امت نعرہ بھی ہے اور مشن بھی یہ تب ہی ممکن ہے جب ہم لوگوں کا دل جیتے گے ہم خدمت انسانیت کا مشن لے کر نکلے ہیں اور پاکستان کے اندر ایک ایسی سیاست کو رواج دینا چاہتے ہیں جس کی بنیاد لوگوں کی خدمت ہو،ذاتی مفادات نہ ہوں،ایسے لوگوں کو سامنے لایا جائے جو ایثار اور قربانی کا جذبہ رکھتے ہو ں اور اپنے مفادات کو بھول کر ملکی مفادات کو سامنے رکھیں،
ہم مرکزی مسلم لیگ کے پلیٹ فارم سے خدمت کا کام کررہے ہیں ہم وہ نہیں ہے کہ ہمیں حکومت ملے گی تو خدمت کریں گے،ہم لوگوں کے اندر خدمت کا ماحول پیدا کرنا چاہتے ہیں، جس میں ہر وہ شخص ہمارے ساتھ شامل ہو جس کو اللہ نے وسائل دیئے ہو ں ،اس امر میں ہمارے ساتھ شریک ہو اور ہمارا یہ خدمت کا مشن پورے ملک میں جاری ہے
