لاہور: وفاقی وزیر اطلاعات و نشریات عطاءاللہ تارڑ نے کہا ہے کہ سعودی عرب کے ولی عہد نے 5 ارب ڈالر کی سرمایہ کاری کا اعلان کیا ہے-
باغی ٹی وی : اپنے حلقے میں منعقد تقریب سے خطاب کرتے ہوئے عطا تارڑ کا کہنا تھا کہ ملک کے معاشی حالات میں مثبت تبدیلی آ رہی ہے، پاکستان کی قیادت نے امداد کی بجائے سرمایہ کاری کو ترجیح دی ہے، سعودی عرب پاکستان کے ساتھ دیرپا تعلقات کا خواہاں ہے۔
انہوں نے کہا کہ ہمارا ملک پاکستان وسائل سے مالا مال ہے، قدرتی وسائل موجود ہیں، ہمیں قرضہ نہیں تجارت چاہئےانہوں نے کہاکہ اللہ تعالیٰ نے خانہ کعبہ کے اندر نوافل ادا کرنے کی سعادت عطا کی اورمسجد نبویﷺ میں تراویح اور ریاض الجنہ میں نوافل ادا کرنے کا موقع ملا،خانہ کعبہ میں ملکی ترقی، عوام کی خوشحالی اور اپنے حلقہ کی ترقی و خوشحالی کے لئے خصوصی دعائیں مانگیں۔
ایکشن اور ڈرامے سے بھرپور ویب سیریز ’ہیرا منڈی‘ کا ٹریلر جاری
خواتین پرتشدد پر ایس ایچ او سمیت 4 اہلکاروں کے خلاف مقدمہ درج
دوسری جانب مسلم لیگ نواز کو عام انتخابات 2024 کے بعد پنجاب اسمبلی کی ایک اور نشست مل گئی، الیکشن کمیشن کے مطابق ننکانہ صاحب کے صوبائی حلقہ پی پی 133 سے دوبارہ گنتی میں ن لیگ کے امید وار رانا محمد ارشد کامیاب ہو گئے، ای سی پی نے رانا محمد ارشد کی کامیابی کا نوٹیفکیشن بھی جاری کر دیا ہے، ووٹوں کی دوبارہ گنتی میں پاکستان مسلم لیگ ن کے امیدوار رانا ارشد کے ووٹ سب سے زیادہ نکلے۔
