چائے نہ بنانے پر ساس نے بہو کوقتل کردیا

باغی ٹی وی ،ساس کے ہاتھوں بہو کا اندوہناک قتل کا یہ واقعہ بھارتی شہر حیدرآباد عطا پور میں رونماہوا

بھارتی میڈیا کے مطابق عطا پور پولیس حدود میں 28 سالہ اجمیری بیگم کا اس کی ساس فرزانہ نے قتل کردیا ۔ ساس اور بہو میں کچھ روز سے جھگڑے چل رہے تھے۔ فرزانہ نے اپنی بہو اجمیری بیگم کو چائے بنانے کا حکم دیا اور اس نے انکار کردیا۔ اس پر دونوں میں پھر بحث ہوئی اور جھگڑا ہوا جس کے بعد فرزانہ نے دوپٹے سے اجمیری کا گلہ گھونٹ کر اس کا قتل کردیا۔

اجمیری بیگم حسن نگر کے رہائشی عباس کی بیوی تھی، ان کی شادی 9 سال قبل ہوئی اور ان کے دو بچے بھی ہیں،عباس آٹو ڈرائیور بتایا گیا ہے۔

عطا پور پولیس نے بتایا کہ اجمیری اور فرزانہ کے درمیان اکثر جھگڑا ہوا کرتا تھا اور کل رات دیر گئے فرزانہ نے اجمیری کا قتل کردیا۔ واردات کے بعد حسن نگر میں سنسنی پھیل گئی، سڑکوں، گلی کوچوں اور چوراہوں کے بعد ابگھروں میں بھی قتل کی وارداتیں پیش آنے لگی ہیں۔

عطا پور پولیس نے مقدمہ درج کرلیا اور مصروف تحقیقات ہے۔