امیر جماعت اسلامی کراچی حافظ نعیم الرحمان نے ادارہ نورحق میں پریس کانفرنس کرتے ہوئے کہا ہے کہ سازش کے تحت بلدیاتی انتخابات میں تاخیرکی جارہی ہے،
نعیم الرحمان کا کہنا تھا کہ کے سی آر کے نام پر وفاقی حکومت جھوٹ بول رہی ہے،کراچی سرکلرریلوے کے اسٹیشنزپرکام نہیں ہوا ،غیرآئینی اور غیرقانونی طور پر سیاسی ایڈمنسٹریٹر لگایا ہوا ہے، رولز کی خلاف ورزی پر الیکشن کمیشن ایکشن نہیں لے رہا، کے الیکٹرک مافیا بنا ہوا ہے، فرانزک آڈٹ ہونا چاہیے،
امیر جماعت اسلامی کراچی نعیم الرحمان کا مزید کہنا تھا کہ کوئی سیاسی پارٹی کراچی کے مسائل پر توجہ دینے کے لیے تیار نہیں الیکشن سے پہلے بھی شہرکی بری حالت تھی، پیپلزپارٹی کے ایڈمنسٹریٹر سیاسی بنیاد پربھرتی ہیں افسوس کی بات ہے صرف سیاسی پوائنٹ اسکورنگ ہورہی ہے،اس وقت ضروری ہے کہ فوری طور پربلدیاتی الیکشن ہوں،
نعیم الرحمان کا مزید کہنا تھا کہ کے الیکٹرک ہر فیصلے پر عدالت سے اسٹے لے لیتا ہے، جبری طریقے سے بجلی کے بلوں میں ٹیکس لگانا قابل قبول نہیں،بلدیاتی انتخابات کیلئے دوبارہ بیلٹ پیپر چھاپے جائیں،کراچی کے ووٹ اب فروخت نہیں ہوں گے،
سیاسی ایڈمنسٹریٹر نے کراچی کو ڈبو دیا،جماعت اسلامی
حکومت بارش سے متاثرہ افراد کو معاوضہ دینے کا اعلان کرے،سربراہ پاکستان سنی تحریک
بارش کے بعد کی صورتحال ، میئر کراچی نے گورنر سندھ سے ملاقات میں وفاق سے مدد مانگ لی
