پاکستان ڈرامہ انڈسٹری کی منجھی ہوئی اداکارہ صبا قمر خواتین کا عالمی دن منانے کے لیے دیہی خواتین کے بیچ پہنچ گئیں
پاکستان کی معروف اداکارہ صبا قمر نے خواتین کے عالمی دن کے موقع پر دیہی خواتین کے درمیان جا کر ایک اہم پیغام دیا۔ اداکارہ نے اپنی انسٹاگرام پوسٹ پر دیہی خواتین کے ساتھ ایک خوبصورت تصویر شیئر کی اور اس کے ذریعے عالمی دن کی مناسبت سے خواتین کی اہمیت اور ان کے حقوق پر زور دیا۔صبا قمر کا کہنا تھا کہ "ہر لڑکی اپنے خوابوں کو پورا کرنے کی مستحق ہے” اور اگر انہیں اپنے خوابوں کو حقیقت میں بدلنے کا موقع نہ دیا جاتا، تو وہ آج اس مقام پر کبھی نہیں پہنچ پاتیں جہاں وہ آج ہیں۔ ان کا کہنا ہے کہ ہر لڑکی کو یقین، حمایت اور بااختیاری کی ضرورت ہے تاکہ وہ اپنے خوابوں کو حقیقت بنا سکے۔
اداکارہ نے مزید کہا کہ "اس یومِ خواتین پر میں یونیسیف کی ’گرل گولز‘ مہم میں شامل ہو رہی ہوں، جس کا مقصد لڑکیوں کو سننا، ان کی قیادت پر یقین کرنا اور انہیں ایسے مواقع فراہم کرنا ہے جو ان کے خوابوں کو حقیقت میں تبدیل کریں۔”صبا قمر کی اس پوسٹ نے نہ صرف خواتین کے عالمی دن کی اہمیت کو اجاگر کیا بلکہ یہ بھی بتایا کہ خواتین کو ہر میدان میں اپنے خوابوں کی تکمیل کا حق حاصل ہے اور انہیں اس میں مدد فراہم کرنا ضروری ہے۔
