سرکاری وسائل کے دانشمندانہ استعمال کو ہر صورت یقینی بنایا جائے ،وزیر اعلی کے پی کے

نگران وزیر اعلیٰ خیبر پختونخوا جسٹس(ر) سید ارشد حسین شاہ کی زیر صدارت کابینہ کا 20 واں اجلاس ہوا جس میں بیرون ممالک سے آئے سیاحوں کی سہولت اور تحفظ کے لیے خصوصی اقدامات کرنے کی ہدایت کی گئی .اجلاس میں کہا گیا کہ خوشحال پختونخوا پروگرام کا ایک اہم جز صفائی ستھرائی بھی ہے، متعلقہ محکمے صفائی کی صورتحال کو بہتر بنائیں، وزیر اعلیٰ خیبر پختونخوا نے صفائی کی صورتحال کو بہتر بنانے کیلئے متعلقہ افسران کو فیلڈ وزٹس کے احکامات جاری کئے اور کہا کہ غفلت برتنے والوں کے خلاف فوری کارروائی کریں، اجلاس میں وزیر اعلی کی جانب سے ہدایت کی گئی کہ تمام محکمے فوری نوعیت کی سمریز کو ترجیحی بنیادوں پر نمٹائے ، کابینہ نے 3 کنال 18 مرلہ اراضی محکمہ ریلیف و بحالی کو منتقل کرنے کی منظوری دے دی، سرکاری وسائل کے دانشمندانہ استعمال کو ہر صورت یقینی بنایا جائے ، اسکے علاوہ صوبائی کابینہ نے 60 ملین روپے خیبر پختونخوا میڈیکل ٹرانسپلانٹیشن اتھارٹی کو فراہم کرنے کی منظوری دے دی، اسکے علاوہ نگران کابینہ نے کیلاش اور کمراٹ ڈیولپمنٹ اتھارٹی رولز 2020 میں ترامیم کی منظوری دے دی، کابینہ نے خیبرپختونخوا ڈیزروننگ آرٹسٹ ویلفیئر اینڈومنٹ فنڈ رولز 2022 کی منظوری دے دی، کابینہ نے سپریم کورٹ کے فیصلے کے مطابق ضلع مردان میں پولیس لائنز کے قیام کے لیے حاصل کردہ زمین کی مد میں 609 ملین واجبات کی ادائیگی کی منظوری دے دی،