سابق امیر جماعت اسلامی سید منور حسن چل بسے.

باغی ٹی وی کی رپورٹ کے مطابق سابق امیر جماعت اسلامی پاکستان سید منور حسن صاحب انتقال کرگئے

سابق امیر جماعت اسلامی کافی عرصے سے علیل تھے اور ہسپتال مین زیر علاج تھے، آج انکی موت ہو گئی ہے

سید منور حسن کی وفات پر امیر جماعت اسلامی سینیٹر سراج الحق، لیاقت بلوچ، امیر العظیم و دیگر نے افسوس کا اظہار کیا ہے اور مرحوم کے لئے دعائے مغفرت کی ہے

سید منور حسن کی نماز جنازہ کراچی میں ادا کی جائے گئ تا ہم ابھی تک نماز جنازہ کا اعلان نہیں کیا گیا

سید منور حسن جماعت اسلامی پاکستان کے چوتھے امیر۔ اگست 1944 ء میں دہلی میں پیدا ہوئے۔ تعلق تقسیم برصغیر سے پہلے کے شرفاءے دہلی سے ہے۔ آزادی کے بعد ان کے خاندان نے پاکستان کو اپنے مسکن کے طور پر چنا اور کراچی منتقل ہو گئے۔ انہوں نے 1963 ء میں جامعہ کراچی سے سوشیالوجی میں ایم اے کیا۔ پھر1966 ء میں یہیں سے اسلامیات میں ایم اے کیا۔ زمانہ طالب علمی میں ہی منور حسن اپنی برجستگی اور شستہ تقریر میں معروف ہو گئے۔ کالج میگزین کے ایڈیٹر بھی رہے۔ علاوہ ازیں بیڈ منٹن کے ایک اچھے کھلاڑی بھی رہے