بھارت کے سابق آرمی چیف جنرل (ر) وید پرکاش ملک نے عسکری ٹیکنالوجی کے میدان میں پاکستان کی برتری کا اعتراف کرتے ہوئے کہا ہے کہ جدید جنگی صلاحیتوں نے پاک بھارت دفاعی حکمتِ عملی کو یکسر تبدیل کر دیا ہے۔
ایک انٹرویو میں انہوں نے کہا کہ آپریشن سندور کے دوران دونوں ممالک نے ایک دوسرے کی سرحد عبور نہیں کی، کیونکہ جدید اسٹینڈ آف ویپنز کے ذریعے دور سے کارروائیاں ممکن ہو چکی ہیں،جنرل (ر) ملک کے مطابق اگرچہ دونوں ممالک نے ٹیکنالوجی میں پیش رفت کی ہے، تاہم پاکستان کے پاس بھارت کے مقابلے میں بہتر ہتھیار اور جدید عسکری سازوسامان موجود ہے۔ انہوں نے رافیل طیاروں اور ایس -400 دفاعی نظام کی تباہی کو پاکستان کی عسکری برتری کی مثال قرار دیا،سابق بھارتی آرمی چیف نے اعتراف کیا کہ بھارت کو اپنی فوجی تیاریوں، ٹیکنالوجی اور دفاعی نظام میں مزید بہتری لانے کی ضرورت ہے، کیونکہ جدید جنگیں اب روایتی نہیں بلکہ ٹیکنالوجی پر مبنی ہو چکی ہیں۔
