سابق ڈی جی پارکس سندھ لیاقت قائم خانی خزانے کے مالک نکلے
باغی ٹی وی کی رپورٹ کے مطابق نیب کا کہنا ہے کہ نیب کے چھاپے کے دوران لیاقت قائم خانی کے گھر سےکروڑوں روپے کی چیزیں برآمد ہوئیں،سابق ڈی جی پارکس سندھ لیاقت قائم خانی کے گھر سے171تولہ سونا برآمد ہوا،کروڑوں روپےمالیت کی گاڑیاں بھی برآمد ہوئیں ،گاڑیوں میں ٹویوٹا فورچیونر،صرف اور ٹویوٹا مارک 2شامل ہیں .
نیب نے کراچی میں پی ای سی ایچ ایس سوسائٹی میں سابق ڈی جی پارکس لیاقت قائم خانی کے گھر پر چھاپہ مارا ،نیب کی 7رکنی ٹیم لیاقت قائم خانی کےگھر کی تلاشی لی ،نیب ٹیم کے ساتھ خواتین اہلکار بھی موجود تھیں،
نیب نے چھاپے کے دوران 200 کے قریب اشیا کو قبضہ میں لے لیا،لیاقت کے گھرسے 8 گاڑیاں، اسلحہ، پراپرٹی فائلزاور جیولری برآمد ہوئی، نیب پنڈی نے نیب کراچی کی مدد سے کراچی کے پوش علاقے میں کارروائی کی ،کارروائی کے دوران برآمد ہونے والی اشیا کا 8 صفات پر مشتمل میمو بنایا گیا،
لیاقت قائم خانی کو نیب نے گزشتہ روز گرفتار کیا تھا، ان پر باغ ابن قاسم کی تزئین و آرائش کے نام پر کروڑوں روپے کی غبن کا الزام ہے ،لیاقت قائم خانی کو ریٹائرمنٹ کے بعد کے ایم سی میں بطور مشیر رکھا گیا ہے۔
