سابق بھارتی کرکٹر اور کوچ انشومن گائیکواڈ کی 71 برس کی عمر میں موت ہو گئی ہے
انشومن گائیکواڈ خون کے کینسر میں مبتلا تھے، بھارتی میڈیا کے مطابق کافی عرصے سے لندن میں رہنے کے بعد سابق بھارتی کرکٹر ایک ماہ قبل ہی بھارتی شہر برودہ میں علاج کے لیے واپس آئے تھےتاہم آج انکی موت ہو گئی ہے
انشومن گائیکواڈ نے 1975 سے 1987 تک 40 ٹیسٹ اور 15 ون ڈے میچوں میں بھارت کی نمائندگی کی۔ انہوں نے ٹیسٹ میں 1985 رنز بنائے جس میں ان کا سب سے بڑا سکور 201 پاکستان کے خلاف تھا،انہیں اکتوبر 1997 میں بھارتی کرکٹ ٹیم کا کوچ مقرر کیا گیا تھا اورانہوں نے یہ ذمہ داری ستمبر 1999 تک نبھائی
سابق ہندوستانی کرکٹر انشومن گایکواڈ نے بطور کھلاڑی ریٹائرمنٹ کے بعد مختلف صلاحیتوں میں کھیل کی خدمت کی ہے، گایکواڈ نے ہندوستان کے لیے 40 ٹیسٹ اور 15 ون ڈے کھیلے۔ بی سی سی آئی نے گائیکواڈ کے علاج کے لیے ایک کروڑ روپے دیے اور 1983 کی ورلڈ کپ جیتنے والی ٹیم کے ارکان نے بھی کرکٹر کی مدد کے لیے اپنا حصہ ڈالا تھا،
گایکواڈ نے 22 سال پر محیط کیریئر میں 205 فرسٹ کلاس میچ بھی کھیلے ہیں۔بعد میں انہوں نے ہندوستانی ٹیم کے کوچ کا عہدہ سنبھالا۔ ان کے شاندار لمحات 1998 میں شارجہ میں اور دہلی کے فیروز شاہ کوٹلہ میں ایک ٹیسٹ میچ میں آئے جب انیل کمبلے نے 1999 میں پاکستان کے خلاف ایک اننگز میں تمام 10 وکٹیں حاصل کیں۔
بھارتی وزیراعظم مودی نے انشومن کی وفات پر تعزیت کا اظہار کرتے ہوئے کہا کہ انشومن گائیکواڑ جی کو کرکٹ میں ان کے تعاون کے لیے یاد رکھا جائے گا۔ وہ ایک باصلاحیت کھلاڑی اور ایک بہترین کوچ تھے۔ ان کے انتقال سے دکھ ہوا، ان کے اہل خانہ اور مداحوں سے تعزیت
بی سی سی آئی کے سکریٹری جے شاہ نے بھی آنجہانی کرکٹر کو خراج عقیدت پیش کیا۔
