سابق وزیر سبطین خان کی رہائی کا پروانہ آج جاری ہوگا

تحریک انصاف کے رکن صوبائی اسمبلی،سابق وزیر سبطین خان کی رہائی کا پروانہ آج جاری ہوگا

باغی ٹی وی کی رپورٹ کے مطابق سابق صوبائی وزیرسبطین خان کی جانب سے50لاکھ روپے کے 2حفاظتی مچلکے آج عدالت  میں جمع کرائے جائیں گے ،گزشتہ روز لاہور ہائی کورٹ نے ایم پی اےسبطین خان کی ضمانت منظور کی تھی ،سبطین خان کی ضمانت پنجاب معدنیات کرپشن کیس میں منظور کی گئی.

سابق صوبائی وزیر سبطین خان کی ضمانت منظور

سابق صوبائی وزیر سبطین خان کی درخواست ضمانت منظور کر لی گئی، عدالت نے انہیں رہا کرنے کا حکم دے دیا ،لاہور ہائیکورٹ نے ممبر صوبائی اسمبلی سبطین خان کی ضمانت بعد از گرفتاری منظور کرلی ،لاہورہائی کورٹ نے سبطین خان کی ضمانت50لاکھ روپےمچلکوں کے عوض منظور کی

سبطین خان کو نیب نے گرفتار کیا ہوا تھا وہ جوڈیشل ریمانڈ پر تھے، سبطین خان پر الزام ہے کہ انہوں نے 2007 میں جب چوہدری برادران اقتدار میں تھے بطور وزیر چنیوٹ میں معدنی وسائل کا ٹھیکہ دیا اور اروبوں رپے کی کرپشن کی،.

واضح رہے کہ نیب نے سبطین خان کو گرفتار کیا تو انہوں نے وزارت سے استعفیٰ دے دیا. صوبائی وزیر جنگلات سبطین خان نے سیاست کا آغاز 90 کی دہائی میں کیا، وہ 1990 سے 93 سے پنجاب اسمبلی کے رکن رہے اور ساتھ میں صوبائی وزیر جیل خانہ جات بھی تھے، چوہدری برادران کی جب حکومت بنی تو وہ وزیر معدنیات بنے، گزشتہ الیکشن میں صوبائی وزیر جنگلات سبطین خان تحریک انصاف میں شامل ہوئے اور الیکشن جیتے، تحریک انصاف نے انہیں صوبائی وزیر بنا یا تھا.