اسلام آباد: صدر مملکت آصف علی زرداری متحدہ عرب امارات (یو اے ای) کے تین روزہ نجی دورے پر روانہ ہو گئے ہیں۔ صدر زرداری 15 مارچ تک اس دورے پر رہیں گے۔
کابینہ ڈویژن کی جانب سے اس ضمن میں باضابطہ نوٹیفیکیشن جاری کیا گیا ہے جس کے مطابق صدر مملکت نے 13 سے 15 مارچ تک کی مدت کے دوران تین دن کی رخصت لی ہے۔چیئرمین سینیٹ سید یوسف رضا گیلانی نے صدر کی رخصت کے دوران قائم مقام صدر کے عہدے کا چارج سنبھال لیا ہے۔ نوٹیفیکیشن کے مطابق سید یوسف رضا گیلانی اس دوران تمام آئینی اختیارات کا استعمال کریں گے اور ملک کے اہم فیصلوں میں حصہ لیں گے۔
