صدارتی انتخاب کیلئے پریذائیڈنگ افسران مقرر

اسلام آباد: الیکشن کمیشن نے صدارتی انتخاب کیلئے پریذائیڈنگ افسران مقرر کردئیے۔

باغی ٹی وی: الیکشن کمیشن کے مطابق پریزائیڈنگ افسران صدارتی امیدواروں کے کاغذات نامزدگی وصول کریں گے،نوٹیفکیشن کے مطابق پریزائیڈنگ آفیسرز صدارتی الیکشن کیلئے متعلقہ اسمبلیوں میں پولنگ کے عمل کی نگرانی کریں گے، سینیٹ اور قومی اسمبلی میں صدارتی الیکشن کیلئے چیف جسٹس اسلام آباد ہائیکورٹ پریذائیڈنگ افسر مقرر کیے گئے۔

پنجاب اسمبلی کیلئے الیکشن کمیشن کے ممبر نثار درانی پریزائیڈنگ افسر ہوں گے سندھ اسمبلی کیلئے چیف جسٹس سندھ ہائیکورٹ پریذائیڈنگ افسر کی خدمات انجام دیں گے،جبکہ خیبرپختونخوا اسمبلی کیلئے چیف جسٹس پشاور ہائیکورٹ پریزائیڈنگ افسر مقرر کردئیے گئےبلوچستان اسمبلی کیلئے چیف جسٹس بلوچستان ہائیکورٹ پریذائیڈنگ افسر ہوں گے۔

مریم نواز نے سرکاری اسپتالوں کی ایمرجنسی میں مفت ادویات کی فراہمی کا پلان طلب …

دوسری جانب ذرائع کا کہنا ہے کہ اتحادی جماعتوں کی جانب سے اسپیکر قومی اسمبلی، وزیراعظم اور صدر مملکت کے امیدواروں کی انتخابی مہم کے لیے کمیٹی تشکیل دیدی گئی، کمیٹی میں خورشید شاہ، ایاز صادق، نوید قمر اور رانا تنویر حسین شامل ہیں،کمیٹی بدھ کی رات مسلم لیگ ق، آئی پی پی اور جے یو آئی ف کے قائدین سے ملاقات کرے گی، کمیٹی اپنے امیدواروں کے حق میں ووٹ مانگے گی، کمیٹی دوسری جماعتوں سے ووٹ کے لیے جمعرات کو اراکین کے حلف برداری کے بعد رابطہ کرے گی۔

برطانوی شاہی خاندان کے اہم فرد انتقال کر گئے