پاکستان کے لیے نئے مقرر کردہ اسپن بولنگ کوچ سعید اجمل نے قومی ٹیموں کے اسپن اٹیک کو تبدیل کرنے کے عزم کا اظہار کیا ہے لیکن اس بات پر زور دیا کہ اس عمل میں وقت اور لگن کی ضرورت ہوگی۔ اس کردار میں اجمل کے پہلے کام میں آسٹریلیا کے خلاف 14 دسمبر 2023 سے 7 جنوری 2024 تک شیڈول ٹیسٹ سیریز اور نیوزی لینڈ کے خلاف 12 سے 21 جنوری 2024 تک ٹی ٹوئنٹی سیریز شامل ہے۔
سعید اجمل نے ایک انٹرویو میں کہا کہ میں محنت اور اپنے تمام تجربے کو بروئے کار لاتے ہوئے پاکستان کرکٹ بورڈ (پی سی بی) کی توقعات پر پورا اترنے کی کوشش کروں گا۔ لیکن یہ ایک وقت طلب عمل ہوگا۔
انہوں نے مزید کہا کہ "آسٹریلوی کنڈیشنز میں اسپنرز کے کامیاب ہونے کے امکانات کم ہیں۔”
46 سالہ کھلاڑی نے ڈومیسٹک کرکٹ میں شاندار کارکردگی کا حوالہ دیتے ہوئے آئندہ آسٹریلیا کے دورے کے لیے منتخب ہونے والے دو اسپنرز کی حمایت کا بھی اظہار کیا۔انہوں نے کہا کہ نعمان علی اور ابرار احمد کو آسٹریلیا کے دورے کے لیے منتخب کیا گیا ہے اور وہ ڈومیسٹک سرکٹ میں اچھی کارکردگی کا مظاہرہ کر رہے ہیں۔
آسٹریلیا ٹیسٹ کے لیے پاکستانی اسکواڈ: شان مسعود (کپتان)، عامر جمال، عبداللہ شفیق، ابرار احمد، بابر اعظم، فہیم اشرف، حسن علی، امام الحق، خرم شہزاد، میر حمزہ، محمد رضوان (وکٹ)، محمد وسیم جونیئر، نعمان علی، صائم ایوب، سلمان علی آغا، سرفراز احمد، سعود شکیل اور شاہین شاہ آفریدی شامل ہیں.
