قومی سلامتی کمیٹی نے پاکستان بھر میں دہشتگردی کے خلاف آپریشن جاری رکھنے اور اسے مزید تیز کرنے پر اتفاق کیا ہے
وزیراعظم شہباز شریف کی سربراہی میں وزیراعظم ہاؤس میں قومی سلامتی کمیٹی کا 41 واں اجلاسہوا، جو دو گھنٹے تک جاری رہا، اجلاس میں چیئرمین جوائنٹ چیفس سمیت تینوں مسلح افواج کے سربراہان، وزیر اطلاعات،وزیر دفاع، وزیر خزانہ، وزیر خارجہ اوروزیر داخلہ شریک ہوئے، قومی سلامتی کمیٹی اجلاس میں ڈی جی آئی ایس آئی، ڈی جی آئی بی، ڈی جی ایم آئی اور ڈی جی ایم او سمیت دیگر سکری اور سولین حکام بھی شریک ہوئے،اجلاس میں کمیٹی ممبران اور چاروں وزرائے اعلیٰ بھی خصوصی طور پر شریک تھے
قومی سلامتی کمیٹی کے اجلاس میں ملکی سیکیورٹی اور معاشی صورتحال پرغور کیا گیا ، وزیر خزانہ اسحاق ڈار نے شرکا کو پاکستان کی معاشی صورتحال پر بریفنگ دی ، موجودہ سکیورٹی صورتحال اور دہشت گردوں کے خلاف جاری آپریشن کے حوالہ سے ڈی جی آئی ایس آئی نے بھی تفصیلی بریفنگ دی ،اجلاس میں دہشت گردی کے خلاف آپریشن جاری رکھنے اور اسے مزید تیز کرنے پر اتفاق کیا گیا اجلاس مٰں فیصلہ کیا گیا کہ دہشت گردوں کے خلاف زیرو ٹالرنس پالیسی جاری رہے گی
قبل ازیں وزیراعظم ہاؤس میں غیر معمولی سرگرمیاں ،قومی سلامتی کمیٹی کے اجلاس سے قبل امریکی سفیر ڈونلڈ بلوم کی وزیراعظم شہباز شریف سے اہم ملاقات ہوئی ہے ملاقات میں دو طرفہ تعلقات سمیت معاشی و تجارتی تعاون کے فروغ پر تبادلہ خیال کیا گیا ،میڈیا رپورٹس کے مطابق وزیراعظم شہباز شریف نے آئی ایم ایف کے ساتھ جلد معاہدہ کے حوالے سے امریکہ سے مدد مانگ لی ،امریکی سفیر نے پاکستان کی موجودہ صورت حال پر بھی وزیر اعظم سے تبادلہ خیال کیا
دوسری جانب آرمی چیف جنرل عاصم منیر اور ڈی جی آئی ایس آئی لیفٹیننٹ جنرل ندیم احمد انجم کی وزیراعظم سے ملاقات ہوئی ہے، ملاقات میں قومی و داخلی سلامتی سے متعلق امور پر تبادلہ خیال کیا گیا،افواج پاکستان کے پیشہ ورانہ اور آپریشنل امور پر بھی گفتگو کی گئی،
قیام پاکستان سے اب تک توشہ خانہ کے تحائف کی تفصیلات کا ریکارڈ عدالت میں پیش
بزدار کے حلقے میں فی میل نرسنگ سٹاف کو افسران کی جانب سے بستر گرم کی فرمائشیں،تہلکہ خیز انکشافات
وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے
