قندھار،طالبان نے صحافی کو تیسری بار گرفتار کر لیا

طالبان نے قندھار میں مقامی صحافی کو تیسری بار گرفتار کر لیا ہے

افغان میڈیا کے مطابق قندھار کے ایک مقامی صحافی محمد یار مجروح کو طالبان حکومت نے گرفتار کر کے جیل منتقل کر دیا گیا ہے، صحافی محمد یار مجروح کی یہ تیسری گرفتاری ہے اور اب گرفتار کرنے کی کوئی وجہ نہیں بتائی گئی، محمد یار مجروح کو طالبان کی انٹیلی جنس نے چند روز قبل بھی گرفتار کیا تھا ،انہیں رہائی ملی تھی تا ہم رہائی کے چند روز بعد ہی دوبارہ گرفتار کر لیا گیا، محمد یار مجروح قندھار سنٹرل جیل میں ہیں، انکے اہلخانہ پر کسی قسم کی بات چیت کرنے پر پابندی عائد کی گئی ہے

صحافی کے ایک دوست نے میڈیا کو بتایا کہ محمد یار مجروح کی گرفتاری کی وجہ معلوم نہیں ہے،محمد یار مجروح اس سے قبل طلوع نیوز ٹی وی کے رپورٹر کے طور پر کام کرتے تھے۔ ایک ہفتے تک طالبان کی حراست میں رہنے کے بعد اس نے طلوع نیوز نیٹ ورک کے ساتھ کام کرنا چھوڑ دیا تھا.