مقامی اخبارات کے 4 صحافیوں کو پرنسپل کی ہتک کرنے پر5 لاکھ جرمانہ

سپریم کورٹ میں صحافیوں کیخلاف ہتک عزت سے متعلق کیس کی سماعت ہوئی ،

ایبٹ آباد کے مقامی اخبارات کے 4 صحافیوں کو پرنسپل کی ہتک کرنے پر 5 لاکھ روپے جرمانہ عائد کر دیا گیا،سپریم کورٹ نے جرمانے کی رقم جمع نہ کرنے پر صحافیوں کیخلاف مناسب احکامات جاری کرنے کا عندیہ دیا ،دوران سماعت چیف جسٹس عمر عطا بندیال نے ریمارکس دیتے ہوئے کہا کہ پرنٹ میڈیا رجسٹرڈ ادارہ ہے سوشل میڈیا نہیں کہ پرنسپل پر الزام لگا کر غلطی کرے،معاشرے میں چند افراد ہیں جن کا بلند مقام ہے ان میں اساتذہ سرفہرست ہیں صحافی عدالت کیلئے قابل احترام ہیں آزادی رائے ان کا حق ہے،صحافی کا یہ کام نہیں کہ کسی کی شہرت کو نقصان پہنچائے،

چیف جسٹس عمر عطا بندیال نے ریمارکس دیتے ہوئے کہا کہ سرکاری کالج کے پرنسپل کے خلاف خبر کو صحافی عدالت میں ثابت نہ کرسکے، اب آپ کیلئے بہترین حل یہ ہے کہ پرنسپل سے معافی مانگیں اور صلح کر لیں،عدالت نے صحافیوں کو ایک ماہ میں 5 لاکھ جمع کرانے کی ہدایت کرتے ہوئے کیس کی سماعت غیر معینہ مدت کیلئے ملتوی کر دی