صحیفہ جبار نے شوہر کو جنتی قرار دیا

0
35

پاکستان شوبز انڈسٹری کی معروف اداکارہ و ماڈل صحیفہ جبار خٹک نے گزشتہ تین سال سے اُنہیں برداشت کرنے پر اپنے شوہر کو جنّتی قرار دے دیا۔

باغی ٹی وی : اداکارہ و ماڈل صحیفہ جبار خٹک نے اپنی شادی کی تیسری سالگرہ کے موقع پر فوٹو اینڈ ویڈیوز شئیرنگ ایپ انسٹاگرام پر اپنی شادی کے دن کی ایک خوبصورت تصویر شیئر کی جس میں اداکارہ عروسی لباس میں ملبوس ہیں جبکہ اُن کے شوہر نے پینٹ کوٹ زیب تن کیا ہوا ہے۔

اپنی شادی کی تیسری سالگرہ کے موقع پرانسٹاگرام پر تصویر شیئر کرتے ہوئے شوہر کے لئے پیغام میں کہا صحیفہ جبار نے کہا کہ اُس انسان کو شادی کی تیسری سالگرہ مبارک ہو جو میرا سب کچھ ہے۔

صحیفہ جبار نے اپنے شوہر سے مخاطب ہوتے ہوئے کہا کہ ویسے آپ میں بہت ہمت ہے جو مجھے تین سال سے برداشت کررہے ہومیں ابھی بھی تعجب میں ہوں کہ آپ کیسے مجھے سنبھالتے لیتے اور کیسے میرے ساتھ گُزارا کر رہے ہو واقعی میں آپ ایک جنتی انسان ہو۔

انہوں نے ہیش ٹیگ استعمال کرتے ہوئے مداحؤں سے ماشاءاللہ کہنے کا بھی کہا-

دوسری جانب سے اداکارہ کے شوہر نے بھی اپنے انسٹاگرام اکاؤنٹ پر اپنی شادی کی وہی تصویر پوسٹ کرتے ہوئے کہا کہ باس لیڈی کو شادی کی تیسری سالگرہ مبارک ہو۔

اُنہوں نے مزید کہا کہ بُری نظر والوں کا منہ کالا۔

خیال رہے کہ ماڈل صحیفہ جبار 2017 میں اپنے قریبی دوست خواجہ خضر حسین سے لاہور میں رشتۂ ازدواج میں منسلک ہوئی تھیں۔

Leave a reply