کوٹلی: نائیک سیف علی جنجوعہ شہید (نشانِ حیدر) کا 76 واں یوم شہادت منایا جا رہا ہے-
باغی ٹی وی: نائیک سیف علی جنجوعہ شہید کا چھہترواں یومِ شہادت آج پوری عقیدت و احترام سے منایا جا رہا ہے ،دن کا آغاز مساجد میں قرآن خوانی اوردعاؤں کے ساتھ کیا گیا،نائیک سیف علی جنجوعہ شہید (نشانِ حیدر) کے 76 ویں یومِ شہادت کے موقع پر عسکری قیادت نے خراج عقیدت پیش کیا۔
23 اپریل 1922 کو کھنڈ ہار تحصیل مہندر پونچھ، آزادجموں وکشمیرمیں پیداہوئے ، وہ 1947 میں پاکستان واپس آئے اور سردار فتح محمد کریلوی کی”حیدری فورس”میں شامل ہوگئے، یکم جنوری 1948 میں حیدری فورس کو”شیرِریاستی بٹالین”کانام دے دیا گیا جب کہ ان کو ان کی قابلیت کےپیش نظر نائیک کا عہدہ بھی دیا۔
موسیقار الطاف حسین عرف طافو خان انتقال کر گئے
نائیک سیف علی جنجوعہ نے1948کی کشمیر جنگ کے دوران بھارتی فوج کے لگاتار حملوں کے خلاف پیر کلیوہ پہاڑی کا بہادری سے دفاع کیاآپ کی جدوجہد اور قربانی اُن لوگوں کے لئے روشن مثال ہے، جو دفاعِ وطن کے لئے کوشاں ہیں، بِلا شُبہ نائیک سیف علی جنجوعہ کا یومِ شہادت افواج پاکستان کی مادر وطن کیلئے دی جانے والی قربانیوں کا مظہر ہے، پاکستان کے یہ درخشندہ ستارے جنہوں نے ملک کی آبرو کیلئے اپنی جان نچھاور کی بِلاشُبہ عزت و تکریم کے مستحق ہیں، پوری قوم کو اپنے بہادر سپوتوں پر فخر ہے۔
موسیقار الطاف حسین عرف طافو خان انتقال کر گئے
اس موقع پر عسکری قیادت نے کہا کہ قوم کو اپنے بہادر سپوتوں پر فخر ہے، ہم ان بہادر ہیروز کو نہیں بھولے جنہوں نے قوم کیلئے اپنی جانیں نچھاور کیں،کوٹلی آزادکشمیر میں شہید کے مزار پر دعائیہ تقریب کا انعقاد کیا گیا، جہاں آزاد کشمیر رجمنٹ کے سینئر آفیسرز بریگیڈیئر محمد ہارون اور بریگیڈیئر عثمان علی نے شہید کی قبر پر پھول رکھے اور فاتحہ خوانی کی۔
