fbpx

سکینہ سموں کا انتظار کے بعد ایک اور فلم بنانے کا اعلان

حال ہی میں صدارتی ایوارڈ اپنے نام کرنے والی ہدایت کارہ اور پروڈیوسر سکینہ سموں نے ایک اور فلم بنانے کا اعلان کیا ہے-

باغی ٹی وی : تفصیلات کے مطابق سکینہ سموں نے اپنی ایک اور فلم کی تیاری شروع کر دی سوشل میڈیا پر شیئر کی گئی اپنی پوسٹ میں سکینہ سموں کا کہنا تھا کہ اللہ کے کرم سے میں اپنی اگلی فلم کی تفصیلات کا اعلان کررہی ہوں مجھے یہ بتاتے ہوئے بہت خوشی ہورہی ہے کہ شہریار منور صدیقی اور اسد صدیقی اس فلم کی کاسٹ میں شامل ہیں۔

سکینہ سموں کا مزید کہنا تھا کہ میری یہ فلم سچے واقعات اور کریکٹرز پر مشتمل رومانوی کہانی ہوگی، اس کا اسکرپٹ ایسا ہے جس کا میں عشروں سے انتظار کر رہی تھی۔

ایک اور پوسٹ میں سکینہ سموں نے اپنی فلم کی مرکزی اداکارہ کا اعلان کرتے ہوئے بتایا کہ ان کی فلم میں حمائمہ ملک بھی اداکاری کے جوہر دکھائیں گی۔

یاد رہے کہ سکینہ سموں نے گزشتہ برس فیچر فلم ’انتظار‘ سے ہدایت کاری کے میدان میں ڈیبیو کا تھا اور اب انہوں نے اپنی دوسری فلم کا اعلان کیا ہے۔

جبکہ اداکارہ ماہرہ خان نے کہا کہ بیسٹ آف لک، مبارک، اداکارہ کے جواب میں سکینہ سموں نے ازراہ مذاق لکھا کہ شکریہ ماہرہ ، تم نے تو آج تک میٹنگ کے لیے وقت نہیں دیا۔ جبکہ اظفر رحمن نے بھی بیسٹ آف لک سکینہ آپا کہا-

سیف سمیجو نے لکھا کہ مجھے یہ سن کر بڑی خوشی ہوئی ہے میں آپ کے ساتھ ہوں۔

دوسری جانب مداحوں کی جانب سے خوشی اور نیک تمناؤں کا اظہار کیا جا رہا ہے-

جواب چھوڑیں

آپ کا ای میل ایڈریس شائع نہیں کیا جائے گا.