اقوام متحدہ کی سلامتی کونسل نے ایران کی درخواست پر اسرائیلی جارحیت کے معاملے پر آج ہنگامی اجلاس طلب کر لیا ہے۔
ایرانی سفارتکار کے مطابق، اسرائیل کے حملوں کے خلاف ایران کی جانب سے یو این کو بھیجے گئے خط کی روشنی میں سلامتی کونسل کا اجلاس بلایا گیا ہے۔ ایران نے خط میں واضح کیا تھا کہ اسرائیل کے غیر قانونی اور بزدلانہ اقدامات کا فیصلہ کن جواب دیا جائے گا۔
دوسری جانب، ترک حکام کے مطابق ترکش ایئر لائنز نے سیکیورٹی خدشات کے پیش نظر پیر تک ایران، عراق، شام اور اردن کے لیے اپنی تمام پروازیں منسوخ کر دی ہیں۔یاد رہے کہ آج اسرائیل نے ایران کے مختلف علاقوں میں درجنوں فضائی حملے کیے جن میں ایرانی فوجی قیادت کی رہائش گاہوں، عسکری اور جوہری تنصیبات کو نشانہ بنایا گیا۔
ایرانی ذرائع کے مطابق، ان حملوں میں ایران کے تین اعلیٰ فوجی افسران اور چھ سائنسدان شہید ہو گئے ہیں۔ ایران کی نیم سرکاری خبر ایجنسی نے بتایا ہے کہ ان حملوں کے نتیجے میں مجموعی طور پر 78 افراد جاں بحق اور 329 زخمی ہوئے۔
ایران کے سپریم لیڈر آیت اللہ خامنہ ای نے شدید ردعمل دیتے ہوئے کہا ہے کہ اسرائیل کو سخت سزا دی جائے گی۔ انہوں نے کہا کہ صہیونی ریاست نے رہائشی علاقوں کو نشانہ بنا کر اپنی ظالمانہ فطرت کو مزید بے نقاب کر دیا ہے۔
اسرائیل نے دنیا بھر میں اپنے سفارت خانے غیر معینہ مدت کیلئے بند کر دیے
دیپالپور:سردار ندیم وٹو کی کوششوں سے لالو پور کے لیے ترقیاتی فنڈز جاری