ممبئی: بالی ووڈ اداکار سلمان خان نے اس سال بھی گھر کی بالکونی میں آکر اپنے مداحوں کو ہاتھ ہلا کر عید کی مبارکباد دی۔
باغی ٹی وی: سلمان خا ن نے انسٹاگرام پر عید کے موقع پر ایک نئی ویڈیو شیئر کی ہے، اس ویڈیو میں اداکار کو بالکونی میں لگے بلٹ پرو ف شیشے کے پیچھے سے اپنی بھانجی کےہمراہ گھر کے باہر بڑی تعداد میں جمع ہوئےمداحوں کو ہاتھ ہلا کر عید کی مبارکباد دیتے ہوئے دیکھا جا سکتا ہے۔
اُنہوں نے یہ ویڈیو شیئر کرتے ہوئے کیپشن میں لکھا کہ شکریہ ،تھینک یو اور آپ سب کو عید مبارک۔
فواد خان کی 9 برس بعد بالی ووڈ میں واپسی تنازع کا شکار ہوگئی
واضح رہے کہ گینگسٹر لارنس بشنوئی کے کہنے پر اداکار پر قاتلانہ حملے کیے جا چُکے ہیں جس کے بعد ممبئی پولیس کی جانب سے ان کی سیکیورٹی بڑھا دی گئی ہے اور ان کے گھر کی بالکونی میں بلٹ پروف شیشے بھی لگوائے گئے ہیں،جبکہ سیکیورٹی خدشات کی وجہ سے سلمان خان کی نئی فلم ’سکندر‘ کی تشہیر کو بھی محدود رکھا گیا تھا۔
