اسلام آباد: توشہ خانہ فوجداری کارروائی کیس ، جوڈیشل کمپلیکس میں سماعت کا تحریری حکم نامہ جاری کر دیا گیا-
باغی ٹی وی: تحریری حکم نامے میں کہا گیا کہ عدالتی آرڈر شیٹ گم ہونے کے بعد نئی آرڈر شیٹ تیار کرلی گئی چیئرمین پی ٹی آئی عمران خان 30 مارچ کو ذاتی حیثیت میں عدالت طلب کیاگیا ہےآئندہ سماعت پرفوجداری کارروائی کے قابل سماعت ہونےپردلائل ہوں گے ،18مارچ کی تین دفعہ کی سماعتوں کا الگ الگ حکم نامہ جاری کیا گیا ایس پی سمیع ملک ، عمران خان کے وکلا بیرسٹر گوہر ، خواجہ حارث کے بیانات حکم نامے کا حصہ ہیں-
چیئرمین سینیٹ نےشبلی فراز کے گھر پر چھاپے کا نوٹس لے لیا
سیشن کورٹ اسلام آباد کی جانب سے جاری کئےگئے تحریری حکمنامے کے مطابق عدالت کو بتایا گیا گم شدہ آرڈر شیٹ کمپیوٹر میں محفوظ ہے ، فائل گم ہونے کے تنازعہ کے حل کے لیے فائل دوبارہ بنائی گئی ہے ، دن ساڑھے 3 بجے عدالت کو بتایا گیا عمران خان عدالت پہنچنے والے ہیں،عدالت نے ہدایت کی کہ عمران خان چاربجےپیش ہوں عدالت کومطلع کیا گیا پتھراؤ کی وجہ سے عمران خان کاعدالت پہنچنا مشکل ہے ، عدالت کو بتایا گیا مناسب ہو گا گاڑی سے ہی عمران خان کے دستخط کروا لیے جائیں ،لوگوں کی جان ، املاک کے تحفظ ، ناخوشگوار واقعہ سے بچنے کے لیے گاڑی سے حاضری لگوانے کی ہدایت کی –
ملک بھر میں گرج چمک کے ساتھ بارش اور بوندا باندی کا امکان
حکمنامے میں کہا گیا کہ شبلی فراز ، بیرسٹر گوہر اور ایس پی سمیع ملک کو دستخط کرانے بھیجا ،عدالت کو بعد میں بتایا گیا آرڈر شیٹ گم ہو گئی ہے –
