اداکار سمیع خان بھی کورونا وبا کا شکار

پاکستان شوبز انڈسٹری کے معروف اداکار سمیع خان بھی عالمی وبا کورونا وائرس کا شکار ہوگئے ہیں-

باغی ٹی وی : اداکار سمیع خان نے فوٹو اور ویڈیو ایپلیکیشن انسٹاگرام پر اپنی کے ذریعے مداحوں کو کورونا میں مبتلا ہونے کی اطلاع دی۔

اداکار نے اپنے انسٹاگرام اکاؤنٹ پر گزشتہ روز قرآنی آیت ترجمے کے ساتھ شیئر کرتے ہوئے پوسٹ میں لکھا کہ آج میرا کورونا ٹیسٹ مثبت آیا ہے اور میں گھر میں ہی خود کو قرنطینہ کروں گا

سمیع خان نے اپنی پوسٹ میں مزید لکھا کہ اللہ ہم سب کو بہترین شفاء سے نوازے آمین ۔

انہوں نے مداحوں کو مخاطب کرتے ہوئے کہا کہ آپ کی نیک خواہشات اور دعاؤں کی ضرورت ہے۔

سمیع خآن کی اس پوسٹ پر ساتھئ اداکاروں شہزاد شیخ ،حسن نیازی اور سنبل اقبال خان نے اداکار کے جلد صحتیاب ہونے کی دعا کی اور اپنا اچھے سے خیال رکھنے کی تلقین کی جبکہ مداحوں کیجانب سے بھی نیک خواہشات کا سلسلہ جاری ہے-

خیال رہے کہ دنیا بھر کی طرح پاکستان میں بھی کورونا کی تیسری لہر کے باعث کیسز کی تعداد میں تیزی سے اضافہ ہورہا ہے جب کہ دیگر معروف سیا سی و سماجی شخصیات کے علاوہ پاکستان شوبز انڈسٹری کے متعدد اداکار بھی اس وبا میں مبتلا ہوچکے ہیں۔