ٹک ٹاکر سامعہ حجاب کے مبینہ اغوا اور دھمکیوں کے کیس میں عدالت نے ملزم حسن زاہد کی ضمانت خارج کر دی۔
پولیس نے ملزم کو اغوا کے مقدمے میں گرفتار کر کے 8 دن کے جسمانی ریمانڈ کی استدعا کی، تاہم عدالت نے یہ درخواست مسترد کرتے ہوئے ملزم کو جوڈیشل ریمانڈ پر جیل بھیجنے کا حکم دے دیا۔ اسی مقدمے میں دھمکیاں دینے اور نقدی چھیننے کے الزام پر عدالت نے 2 روزہ جسمانی ریمانڈ منظور کر لیا۔پولیس کے مطابق، ملزم سے موبائل فون، گاڑی اور اسلحہ برآمد کیا جائے گا جبکہ اس کی نشاندہی پر دیگر شریک ملزمان کو بھی گرفتار کیا جائے گا۔
سامعہ حجاب نے عدالت میں بیان دیا کہ حسن زاہد نے انہیں گاڑی میں بٹھا کر دھمکی دی تھی کہ وہ انہیں اپنے گھر کے بیسمنٹ میں قید کر دے گا تاکہ کوئی ڈھونڈ نہ سکے۔ انہوں نے بتایا کہ حسن زاہد کا تعلق لاہور سے ہے اور وہ گاڑیوں کی خرید و فروخت کا کاروبار کرتا ہے۔ان کا مزید کہنا تھا کہ دونوں کی چھ ماہ قبل دوستی ہوئی اور بعد میں منگنی بھی ہوئی، لیکن ثنا یوسف کے قتل کے بعد ملزم نے اپنی اصل شخصیت ظاہر کرنا شروع کی اور ہراسانی کا سلسلہ بڑھ گیا۔
سامعہ کے مطابق، حسن زاہد نہ صرف نیب کو مطلوب ہے بلکہ اس کے خلاف متعدد ایف آئی آرز بھی درج ہیں۔ شادی سے انکار اور منگنی توڑنے کے بعد ملزم نے انہیں جان سے مارنے کی دھمکیاں دینا شروع کر دیں۔انہوں نے یہ بھی کہا کہ حسن زاہد کی والدہ بار بار مل کر انہیں شادی کے لیے دباؤ ڈالتی رہیں اور رونے دھونے سے مجبور کرنے کی کوشش کرتی رہیں۔
چھ مسلم ممالک پر اسرائیلی حملے، قطرڈپلومیسی تو وڑ گئی، اربوں ڈالر تحائف کام نہ آئے
نیپال، سابق چیف جسٹس سوشیلا کرکی عبوری حکومت کی سربراہ ہوں گی
نیپال، سابق چیف جسٹس سوشیلا کرکی عبوری حکومت کی سربراہ ہوں گی
اسرائیل کا دوحہ پر حملہ، چھ مسلم ممالک میں کارروائیوں کا دائرہ وسیع
